Htû̌sò̌htò̌ 121 - Kawyaw RC

Cǒmara tûjûpwa̤ mî̌ pwa̤ma̤kwaǐ pa

Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤.

¹ He kè̌htò̌ dě kholo toǒ alo̤, heta̤ma̤jè hèlò̤ bǎtè tò̤glò pě?

² Heta̤ma̤jè hèlò̤ dě Cǒmara tûjûpwa̤, pwa̤ htě a bǒlò̤ mǒkhû̌ ta hǎkhû̌ htǒotapwa̤ aǒ.

³ A noto̤ nǒ na dě klè̌sǔklè̌bǎ akû tò̤. Pwa̤ htě a ǒpo̤kè̌ǐ na htǒotapwa̤ a hǎmoǒtò̤.

⁴ Dè hî̌ mè̤mè̤̌ mî̌, pwa̤ htě a ǒpo̤kè̌ǐ Israelphû̌ htǒotapwa̤ hǎmoǒkhwe tò̤, a hǎmoǒ nǒ dǐkhò̌꤮ tò̤tò̤.

⁵ Cǒmara tûjûpwa̤ asana̤ glè ǒpo̤kè̌ǐ na. Cǒmara tûjûpwa̤ ǒkû̌ nakòshî̌ pwǐ ta̤yo̤ǔ dě a ǔlò̤bǐ na.

⁶ Lṳmṳsha mî̌ lṳmṳ glè gûlû̌ nǒ na tò̤. Lṳmṳkhǐ mî̌ la glè ma̤pò̤ma̤sha nǒ na tò̤tò̤.

⁷ Cǒmara tûjûpwa̤ ma̤kwaǐ na dě ta̤phû̌mò̤shî̌hto pṳ̂̌꤮ tacǎ akla. A ǒpo̤kè̌ǐpo̤ nata̤htûpwa̤.

⁸ Na cû̌ bǎtè꤮ bǎbǎ, na ǒ bǎtè꤮ bǎbǎ, sahtò̌ khònò̤ tǒ̤hè tûjûpwa̤ talakhǎ, a ǒpo̤kè̌ǐ tû̌ta na.