Htû̌sò̌htò̌ 120 - Kawyaw RC

Ta̤kwisaba ta ta̤ma̤jè aya

Bǎ kòyò toǒ kihtò̌ lǒkho dě Ye̤rǔshèlèwî̤ ta̤lṳhtò̌hokû akhanu, a sò̌po̤ lǒkho ta̤sò̌po̤ htǒoto̤to̤.

¹ Bǎ he ǒ ta ta̤pò̤ta̤shakû akhanu, he kwigwèbǎǐ Cǒmara tûjûpwa̤ dě a ma̤jè he.

² Kǒ Cǒmara tûjûpwa̤, ma̤lû̌htò̌ge he dě kòyò lòhǎlòho, kòyò jono̤ acǔdekû.

³ Kǒ kòyò lòhǎlòho, Cǒmaradû̌ glè ma̤ sî hî̌tè pě ya? A glè cèròjîkhlopo̤ sî pwî̌꤮ tè pěya?

⁴ Pwa̤htò̌shěta̤ apla̤ htě a htòmè̌sû̌ toǒ glè shěnṳbò sîna̤. Kò glè shû̌gè sî ta mî̌klû̌ htě agè lî̤pi̤sǐ.

⁵ He cû̌ǒ pwǐ shǐtè̤mè̤nu dě Meshè̌ga, he cû̌ǒ dě Keda hǐphû̌kû akhû̌akhî, ajîajû mè̤mè̤̌ he.

⁶ He cû̌ǒ yî̤꤮ htukû̌ mè̤mè̤̌ ta kòyò htě a sò̌khěkhû̌khwè ta̤pè̤ta̤dû.

⁷ He sò̌yṳ pwǎpǒ̤꤮ ta̤pè̤ta̤dû. Bǎ he hî̌bǎ ta̤pè̤ta̤dû akhanu, asî sò̌yṳ còcè̌꤮ pwǎ ta̤shěta̤pe̤.