Htû̌sò̌htò̌ 113 - Kawyaw RC

Ta̤htû̌sò̌ǐ Cǒmara tûjûpwa̤ ata̤ma̤wǒ toǒ

¹ Htû̌sò̌ǐ Cǒmara tûjûpwa̤. Kǒ Cǒmara tûjûpwa̤ apwa̤ma̤ta̤phû̌ toǒ꤮, htû̌sò̌htò̌ mò̌. Htû̌sò̌htò̌mò̌ Cǒmara tûjûpwa̤ ami̤.

² No htû̌sò̌htò̌mò̌ kò ta Cǒmara tûjûpwa̤ ami̤, sahtò̌khònò̤ tǒ̤hè tûjûpwa̤ talakhǎ pě nî̌.

³ Dě mṳhtò̌ to̤dě mṳlò̤ gûla̤ pṳ̂̌꤮ tò̤glò, htû̌sò̌ǐ Cǒmara tûjûpwa̤ ami̤.

⁴ Cǒmara tûjûpwa̤ mî̌ a pǒǐbò khlilèphû̌ lǒ̤꤮ bò. Ata̤sîrîdû̌sîrîhtû mî̌ a htò̌yî̤khlo ta mǒkhû̌.

⁵ Kò sǒsǒta Cǒmara tûjûpwa̤ htě pacǒmaradû̌ htǒonu aǒ dǐpwǎ̤꤮ tò̤. Kò hǎnòò̌ dě gûla̤ htò̌yî̤ sǒsǒta anu aǒ dǐpwǎ̤꤮ tò̤tò̤.

⁶ A û̌lò̤ kè̌lò̤ mǒla̤ ta hǎkhû̌ aphwǐaphrû̌ toǒ.

⁷ A bè̌htò̌yî̤ kòyòshuphǔshèwèphû̌ ǒ dě lo̤hǎkla. A phǒhtò̌yî̤ kòyòǒkhwè̌phû̌ ǒ dě ta̤wè̤ta̤sǒkla.

⁸ A nohtò̌hǎnòò̌htu asî ta Khwǐphû̌ toǒ. A nohtò̌hǎnòò̌htu asî ta asîkhlilèphû̌ akhwǐphû̌ tû̌ toǒ.

⁹ A ǐ bǎ mamǔshodophû̌ aphû̌ali̤. A ǐ nû̌û phû̌ dě a ma̤ sò̌le̤sò̌lò̤ nû̌û. Htû̌sò̌ǐ Cǒmara tûjûpwa̤.