Htû̌sò̌htò̌ 110 - Kawyaw RC

Cǒmara tûjûpwa̤ ta Khwǐ htě a wû̌lǎnu tapwa̤ awi̤akè̌

Khwǐdǎ̤wi̤ ata̤sò̌po̤ htû̌sò̌ǐ.

¹ Cǒmara tûjûpwa̤ hî̌lṳlò̤ heběcǎ ta̤adû̌ ta, “Bǎ he ma̤pè̤ bòmṳ̂sîglî pwa̤sò̌khě nanu toǒ hǒtò̤ dě he bè̌ǒbò asî dě na khǎlǎla̤ hǒtò̤nu, hǎnòò̌lò̤ dě he cǔdemû htǒotokho.”

² Cǒmara tûjûpwa̤ ma̤dû̌htò̌ lè̤htò̌ nashinaga ta a ta̤shû̌ta̤sho htǒo sahtò̌ dě Yerǔshèlèwî̤nu pě. Na pǒǐbò pwa̤sò̌khě htě aǒ te̤we̤ ta nanu pě.

³ Mṳni̤ htě nahtò̌shě ta̤shěnu ti̤ni̤ akha pěnu, nakòyò toǒ ta̤sò̌yṳǒkû̌ nakò pě. Asǒsǒta shicashi lòte̤ bǎ lṳmṳlîwosò꤮ nuhǒ, nakòyò pwa̤nějaphû̌ toǒ ǒbò dě gûla̤ pṳ̂̌꤮ tò̤glò dě a kûsǒ hǐdopo̤to̤ cahtǐ.

⁴ Cǒmara tûjûpwa̤ bèlò̤ ayo̤ dě a hî̌khǒpe tò̤. A hî̌ ta, “Na htû pwa̤lṳhtò̌ta̤ tûjûpwa̤ dě alò̤ta pwa̤lṳhtò̌ta̤ Malakhǐsèdè̌nu pě.”

⁵ Běcǎ ta̤adû̌ ǒ dě nacǔdemû tokho. Bǎ a sò̌phlǒdû̌nu ti̤ni̤ a ma̤htò̌pò̌htò̌shîkèbò khwǐnu toǒ pě.

⁶ A cèrò khlilèphû̌ toǒ pě. A bè̌ǒbebò lṳto̤ dě asîgakû pě. A ma̤nûpò̌nûshîkèbò Khwǐ dě gadû̌galè̤kû pě.

⁷ A o shiklo dû̌hè dě klè̌htunu toǒ pě. A khû̌ǎshû̌sho dě a ma̤pè̤ ta̤ pě.