Htû̌sò̌htò̌ 101 - Kawyaw RC

Khwǐdû̌ ata̤olò̤

Khwǐdǎ̤wi̤ ata̤sò̌po̤ htû̌sò̌ǐ

¹ Kǒ Cǒmara tûjûpwa̤, he glè sò̌po̤htò̌ nata̤mo̤ǐ htě ahǎbòjò tò̤ ta nata̤ma̤toma̤bǎ. He glè sò̌po̤ htû̌sò̌ǐ na.

² Ma̤pûhǐ he lû̌kè ta bè̌ heta̤sǔ ayanu, he glè sè̌rè̌ǐ heta̤ǒhtûpwa̤. Na hèkû̌ he htû̌꤮ bò̌hòtè pě? He glè ǒhtûpwa̤ lû̌kè ta bè̌ ta̤sǔ dě hehǐkû.

³ La̤lòhǎlòho kò ayanu, he gènè̤to̤pe nòtò̤. He sò̌khě kòyò htě a cǒtè̤kû̌nǒ ayo̤ tò̤. Hesò̌phlǒ glè̌ sǒsǒkû̌ta asînu aǒ dǐcǎ꤮ tò̤.

⁴ He glè ǒtepheyî̤kè ta kòyò htě asò̌phlǒkě. He glè ma̤htu kû̌ ta̤ ta kòyò sò̌phlǒphû̌mò̤shî̌hto tò̤.

⁵ He glè ma̤pî̌kè kòyò htě a dǒhǔdǒsè̌ ahǐphòkòshî̌ ayo̤. Kòyò htě a bè̌dû̌ ana̤, a bè̌htò̌yî̤ asò̌phlǒ toǒnu, he sò̌phlǒhtû nǒ asî tò̤.

⁶ He kè̌lǎ kòyò htě he yṳǎ yǎ dě gakûhtǒo pě. He noǒhtukû̌ asî ta he pě. Kòyò htě a ǒhtûpwa̤ lû̌kè ta bè̌ ta̤sǔ toǒnu, he noma̤ asî ta heta̤ma̤ pě.

⁷ Kòyò htě a hî̌bǎ tikhlǐkhû̌ tikhlǐkò ayo̤ toǒnu, a bǎ nṳǒkû̌ hehohtakû tò̤. Kòyò htě a hî̌bǎ lòhǎlòho ta̤ toǒnu, bǎ nṳǒ dě helo̤mo̤ dǐpwǎ̤꤮ tò̤.

⁸ Pṳ̂̌wo̤wo̤꤮ he ma̤pî̌kèbò kòyòphû̌mò̤nu toǒ bǎ gakû htǒonu pě. He wṳ̂htò̌kèbò kòyò htě a ma̤ ta̤phû̌mò̤shî̌htonu toǒ dě Cǒmara tûjûpwa̤ awî̤khlo pě.