Кердипэ 5 - Библия опэр крымски романи чиб

О пуя э Адамески

¹ Аки о пхукаипэ катар Адам тай лэски пуендар. Кана о Дэл кердяс э манушэс, Ов кердяс лэс, тэ ушадиел Лэски.

² Ов кердяс муршэс тай джювля тай алгышты лэн. Кана он сас кердэ, ов тхэдяс лэн «мануш».

³ Кана о Адам бэшло 130 брэш, лэстэ аракхлило чяво, сар ов, сар лэско шавлин, тай ов тхэдяс лэс Сиф.

⁴ Пал ко аракхлима ки Сифеско о Адам бэшло 800 брэш, тай лэстэ сас генэ чявэ тай чяя.

⁵ Алаи о Адам бэшло 930 брэш тай муло.

⁶ Кана о Сиф бэшло 105 брэш, лэстэ аракхлило о Енос.

⁷ Пал ко аракхлима ки Еносеско о Сиф бэшло 807 брэш, тай лэстэ сас генэ чявэ тай чяя.

⁸ Алаи о Сиф бэшло 912 брэш тай муло.

⁹ Кана о Енос бэшло 90 брэш, лэстэ аракхлило о Каинан.

¹⁰ Пал ко аракхлима ки Каинанеско о Енос бэшло 815 брэш, тай лэстэ сас генэ чявэ тай чяя.

¹¹ Алаи о Енос бэшло 905 брэш тай муло.

¹² Кана о Каинан бэшло 70 брэш, лэстэ аракхлило о Малелеил.

¹³ Пал ко аракхлима ки Малелеилеско о Каинан бэшло 840 брэш, тай лэстэ сас генэ чявэ тай чяя.

¹⁴ Алаи о Каинан бэшло 910 брэш тай муло.

¹⁵ Кана о Малелеил бэшло 65 брэш, лэстэ аракхлило о Яред.

¹⁶ Пал ко аракхлима ки Яредеско о Малелеил бэшло 830 брэш, тай лэстэ сас генэ чявэ тай чяя.

¹⁷ Алаи о Малелеил бэшло 895 брэш тай муло.

¹⁸ Кана о Яред бэшло 162 брэш, лэстэ аракхлило о Енох.

¹⁹ Пал ко аракхлима ки Енохеско о Яред бэшло 800 брэш, тай лэстэ сас генэ чявэ тай чяя.

²⁰ Алаи о Яред бэшло 962 брэш тай муло.

²¹ Кана о Ханох бэшло 65 брэш, лэстэ аракхлило о Мафусал.

²² Пал ко аракхлима ки Мафусалеско о Ханох пхерэлас э Дэвлэса 300 брэш, тай лэстэ сас генэ чявэ тай чяя.

²³ О Ханох бэшло 365 брэш.

²⁴ О Ханох пхерэлас э Дэвлэса, дэчи лэс на уло, вай о Дэл лиляс лэс.

²⁵ Кана о Мафусал бэшло 187 брэш, лэстэ аракхлило о Ламех.

²⁶ Пал ко аракхлима ки Ламехеско о Мафусал бэшэлас 782 брэш, тай лэстэ сас генэ чявэ тай чяя.

²⁷ Алаи о Мафусал бэшло 969 брэш тай муло.

²⁸ Кана о Ламех бэшло 182 брэш, лэстэ аракхлило чяво.

²⁹ Ов диняс лэс нав Ной тай пхэнляс: «Ов кан дэл рагати амэн андэ хэзмэти, андэ пхари бути амарэ васта, опэр пху, дини арман э Сагбуса э Яхвэса».

³⁰ Пал ко аракхлима ки Ноеско о Ламех бэшло 595 брэш, тай лэстэ сас генэ чявэ тай чяя.

³¹ Алаи о Ламех бэшло 777 брэш тай муло.

³² Кана э Ноески сас 500 брэш, лэстэ аракхлилэ о Сим, о Хам тай о Яфет.