Кердипэ 23 - Библия опэр крымски романи чиб

О Авраам кинэл пху тэ пароскерэл э Сарра

¹ Э Сарра бэшли шэлу биш эфта брэш — адава о брэша э Сарраки.

² Ой мули андэ Кирьят-Арба (самким Хеврон), андэ пху Ханаан, тай о Авраам ало тэ керэл касывэти пал Сарра тай тэ ровэл пал латэ.

³ Дэчи о Авраам ачявдяс пэ мулэ ромня тай гело ко хетеенги. Ов пхэнляс:

⁴ — Мэ машкарэ тумэндэ джяти аврэ пхуятар. Бикнэн манги тхан тэ пароскерав э муля.

⁵ О хетея пхэнлэ э Авраамески:

⁶ — Сагбуса, шун, ту — Дэвлэско мануш машкарэ амэндэ. Пароскер э муля андэ зиядэ андар амарэ паромаски тханэндэ. Никхон андар амэндэ на кан пхэнэл туки, на дав тхан тэ пароскерэс э муля.

⁷ Дэчи о Авраам ущино, бангило э манушэнги одолэ пхуякерэнги, э хетеенги.

⁸ Ов пхэнляс лэнги: — Тэ мукен тумэ тэ пароскерав э муля, дэчи шунэн ман тай манген андар мандэ э Эфронес, э чявэс э Цохарескерэс,

⁹ ов тэ бикнэл манги э пищера э Махпела, сави си лэски тай си ко чети лэски ливадятэ. Мэ бикнэл ла манги э кимяки, сар керэл о тхан, катэ пароскерэс машкарэ тумэндэ.

¹⁰ О хетеи о Эфрон бэшло машкарэ пэ дюнястэ тай пхэнляс э Авраамески ангал алаи ко хетея, савэ алэ ки бар лэски дизатэ.

¹¹ Ов пхэнляс: — На, мо сагбуса, шун ман. Мэ дав тут э ливади тай дав тут э пищера, сави си опэр латэ. Мэ дав тут адава ангал мэ дюнястэ. Пароскер тэ муля.

¹² О Авраам генэ бангило э манушэнги одолэ пхуякерэнги

¹³ тай пхэнляс э Эфронески ангал лэндэ: — Шун акана ту ман. Мэ кан покинав руп э ливадяки. Лэ лэс мандар, мэ тэ пароскерав отхэ э муля.

¹⁴ О Эфрон пхэнляс э Авраамески:

¹⁵ — Шун ман, мо сагбус. Э пху кай керэл штаршэл шэкеля руп. Та со, адава бут туки я манги? Пароскер тэ муля.

¹⁶ О Авраам тхэдяс кан э Эфронес тай алды э кими э ливадяки, кай пхэнлили ангал хетея: штаршэл шэкеля руп, сар кинэн о кинимаря.

¹⁷ Аякха э ливади э Эфронески андэ Махпела паш Мамрэ — тай ливади, тай э пищера опэр латэ, тай алаи о тэрэкя опэр ливади — улэ

¹⁸ э Авраамески ангал алаи ко хетея, савэ алэ ки дизаки бар.

¹⁹ Пал атхэ о Авраам пароскердяс пэ ромня э Сарра андэ пищера опэр ливади Махпела паш ки Мамрэ (кай андэ Хеврон), андэ пху Ханаан.

²⁰ Э ливади, тай э пищера опэр латэ ули э Авраамески катар хетея сар тхан паромаски.