Wuj Richin ri Nimalej Bix 2 - Kaqchiquel Bible

¹ Yin xa in achi'el ok ri kotz'i'j richin ri taq'aj Sarón, xa in achi'el ri taq lirio ri yek'iy-pe kojol juyu'.

Ri achijlonel nubij:

² Rat, wajowanel, kan at jebel ok chikiwech ri xtani', kan at achi'el jun kotz'i'j lirio ri k'o chikikojol ri k'ix.

Ri ixjayilonel nubij:

³ Wajowanel yin, rat kan más at utz chikikojol ri ch'aqa' chik alaboni'. Kan at achi'el jun ruche'el manzana chikikojol ri che' ri ek'o pa k'echelaj. Kan chuxe' k'a ri amujal ninrayij yitz'uye-wi, y ri naben wik'in kan janila utz nina', kan achi'el toq nintej jun manzana.

⁴ Xinak'en-pe wawe' akuchi niban-wi ri nima-wa'in, y xinanojisaj rik'in ri awajowabal.

⁵ Kan taya' k'a uva chaqirisan chuwe richin chi nik'oje' chik juba' wuchuq'a', y taya' k'a manzana chuwe roma k'a ninwajo' na más ajowabel.

⁶ Ri awajxokon naya' ta chuxe' ri nujolon, y rik'in ri awijkiq'a' yinaq'etej.

⁷ Jak'a rix xtani' ri ixk'o pa Jerusalem, tiya' itzij pa kibi' ri masat y ri tzuntzun ri ek'o pa k'echelaj, chi man tik'asoj chi'anin ri ajowabel, k'a ja toq xtapon na ri ruq'ijul.

Ri royonik ri ajowabel Ri ixjayilonel nubij:

⁸ Kan jari' peteneq chik ri wachijil. Kan ninwak'axaj chik ri ruch'abel. Kan niropiyaj peteneq pa ruwi' taq juyu', kan nitzopiyaj peteneq chikikojol taq juyu'.

⁹ Ri wajowanel peteneq achi'el nuben jun masat ri k'o janila ruchuq'a', achi'el jun achij masat. Jare' xoqaqa yan chirij ri wachoch. Kan nitzu'un chik pe pa nu-ventana. Nachan chik pe chirij ri ch'ich' ri e ya'on chire ri ventana.

¹⁰ Y wakami nich'on wik'in. Kayakatej wixjayil yin, kayakatej wajowanel yin, y jo' k'a.

Ri achijlonel nubij:

¹¹ Tatz'eta', xik'o yan el ri ruq'ijul ri job, kan xuk'ol yan el ri' y kan xik'o yan el.

¹² Kan xebe-el yan k'a pe ri kotz'i'j chuwech re ruwach'ulew. Xoqaqa yan ri q'ij richin bixanik. Kan nak'axatej chik chupan chijun ri ruwach'ulew ri kibix ri taq paloma.

¹³ Chuqa' ri wíkix niwachin chik, y ri rukotz'ijal ri uva nijubulin chik. Kayakatej k'a wajowanel yin, katanpe y jo' k'a.

¹⁴ Wajowanel yin, ri awewan-awi', rat kan at achi'el jun ti paloma ri rewan-ri' chupan jun jul chuwech nimalej taq abej, o chupan jun ti sokaj pa juyu'. Tak'utu' k'a awi' chinuwech, Taya' q'ij chuwe richin ninwak'axaj ri ach'abel, roma ri ach'abel kan janila jebel ok, y chuqa' janila jebel ok ri yatzu'un.

¹⁵ Queqachapa' k'a ri utiwa' ri yebachon ri qatiko'n richin uva ri yesijan chik.

Ri ixjayilonel nubij:

¹⁶ Rokik ri akarne'l yewa' chikikojol ri lirio, rat alé kan at wichin yin, y yin kan in awichin rat.

¹⁷ Queri' xqojk'oje' k'a toq xtoqaqa na ri q'ij y ri q'equ'm xa xtik'is-el. Kan kajel k'a pe rat, ri janila yatinwajo'. Tabana' k'a achi'el nitzopiyaj jun masat chikikojol ri juyu'.