Wuj Richin Bix Chire ri Dios 67 - Kaqchiquel Bible

Bix richin matioxinik chire ri Dios*f65*

¹ Ri Dios kan ta xtujoyowaj qawech y xqojrurtisaj. Kan ta k'a xtuya' ri rutzil pa qawi', rik'in ajowabel.

² Keri', konojel ta ri winaqi' xtiketamaj ri rubey, ri winaqi' ri man nikitzeqelibej ta, kan xkekolotej ta.

³ Nimalej Dios, kan tikiya' k'a aq'ij konojel winaqi', kan konojel k'a tinamit tikinimirisaj ri abi'.

⁴ Kan kekikot y kenimaq'ijun k'a konojel, roma rat kan naq'et-tzij pa ruchojmilal. Kan ja rat k'a yayuqen kichin konojel ri winaqi' richin re ruwach'ulew.

⁵ Kan tikiya' k'a aq'ij konojel winaqi', kan konojel k'a tinamit tikinimirisaj ri abi'.

⁶ Re ruwach'ulew kan xtiwachin k'a; roma rat xqojawurtisaj, rat ri at qa-Dios.

⁷ Nimalej Dios kan qojawurtisaj k'a, konojel k'a winaqi' richin chijun ruwach'ulew tikiya' aq'ij.