Wuj Richin Bix Chire ri Dios 43 - Kaqchiquel Bible

Oyobenri'il rik'in ri Dios

¹ Nu-Dios yin, taq'ata' tzij pa nuwi', y taq'alajirisaj chi maneq numak. Kinato' k'a chikiwech ri winaqi' ri man yatkitzeqelibej ta, y chikiwech ri kan xaxe q'oloj y ri itzel taq banobel ri yekiben.

² Nu-Dios yin, kan ja wi rat ri at nutobal. ¿Achike k'a roma in amalin kan? ¿Achike roma chaq xkibison roma ri q'axo'n ri nikiben chuwe ri e etzelanel wichin?

³ Tataqa-pe ri asaqil y ri ach'abel, richin chi jare' xkinuk'uan akuchi atk'o-wi rat, pa ruwi' ri ajuyu'.

⁴ K'ari' xkinapon akuchi k'o-wi ri aporobal. Chiri' k'a xtinya-wi aq'ij rik'in ri arpa, roma kan ja wi rat at nu-Dios, ri nanojisaj ri wánima rik'in kikoten.

⁵ ¿Achike roma yimayamo' yan qa? ¿Achike roma janila yibison? Yin kan ninkuquba' nuk'u'x rik'in ri Dios, y xtapon ri q'ij chi yin xtinya' chik ruq'ij. roma ja rija' ri nukolotajik y nu-Dios yin.