Wuj Richin Bix Chire ri Dios 23 - Kaqchiquel Bible

Jehová ri vajyuq'*f21*

¹ Ri Jehová kan yiruchajij achi'el jun yuq'unel. Roma ri' kan man jun achike xtinwajo'.

² Chiri' akuchi k'o-wi ri rex taq q'os, chiri' yiruya-wi richin yinuxlan. Chunaqaj k'a kokoj raqen taq ya', chiri' yiruyuq'uj-wi.

³ Nuya' k'ak'a' wuchuq'a'. Kan yiruyuqej k'a chupan jun utzilej bey, achi'el ri rusujun chuwe.

⁴ Stape' k'o chi yiq'ax chupan jun bey ri janila q'equ'm, kan man xtinxibij ta wi', roma rija' kan beneq wik'in. Yiruyuqej k'a rik'in ri ruch'ame'y y yirukol k'a rik'in ri ruch'aybal, re' kan nuben chuwe chi kan ninkuquba' nuk'u'x.

⁵ Rat Jehová kan naben jun nimaq'ij richin yiwa' chikiwech ri e etzelanel wichin. Kan naya' k'a utz peten chuwe, Y kan nanojisaj k'a ri nuqumbal, k'a toq nipulin-el.

⁶ Kan qitzij na wi chi ri awutzil y ri awajowabal, kan xtaya' k'a pa nuwi' ronojel q'ij chire ri nuk'aslen. Rokik xtaya' nuk'aslen, yin xkik'oje' jantape' pan awachoch.