Wuj Richin Bix Chire ri Dios 150 - Kaqchiquel Bible

Tinimirisex ruq'ij ri Dios rik'in jalajoj ruwech q'ojom

¹ Tinimirisex ruq'ij ri Dios. Tinimirisex ruq'ij rija' chupan ri rachoch. Tinimirisex ruq'ij ri chila' chikaj.

² Tiya' ruq'ij roma ri nima'q taq banobel ri yeruben. Tiya' ruq'ij roma ri runimirinen rija' kan maneq retabal.

³ Tibixaj ri rubi' ri Dios rik'in ri xupubel. Tibixaj ri rubi' rik'in ri salterio y ri arpa.

⁴ Tiya' ruq'ij ri Dios rik'in pandereta, y kan kixropiyaj roma kikoten. Tiya' ruq'ij rik'in xul y q'ojom ri e banon rik'in k'an.

⁵ Tinimirisaj ruq'ij ri Dios rik'in jalajoj ruwech q'ojom ri e banon rik'in ch'ich'. Tiya' ruq'ij rik'in q'ojom ri kan yewajin.

⁶ Konojel ri k'o kik'aslen kan tikinimirisaj k'a ruq'ij ri Jehová. ¡Kan tinimirisex k'a ruq'ij rija'!