Wuj Richin Bix Chire ri Dios 15 - Kaqchiquel Bible

Ri wineq ri ruk'amon richin nijel-apo rik'in ri Dios*f12*

¹ Jehová, ¿achike k'a ri xtik'oje' chupan ri awachoch? ¿Achike k'a ri xtik'ase' chupan ri juyu' ri acha'on rat?

² Kan xaxe k'a ri wineq ri tz'aqet ri ruk'aslen y kan pa ruchojmilal nuben ronojel, ri kan xaxe ri qitzij ri nubij;

³ ri kan man nitz'ukun ta tzij, ni man jun itzel nuben chire ri rachpochel, ri jantape' utz kik'in ri rachk'uljay;

⁴ ri nretzelaj ri kan ruk'amon richin netzelex, ri nuya' rejqalen ri niya'on ruq'ij ri Jehová; ri kan nuya' ri nusuj, stape' nik'oje' pa k'ayew rija';

⁵ ri man nuk'utuj ta ral ri méro toq nuya' pa qajik, ri man niqa' ta chuwech nipuaqix richin nich'on itzel chirij jun ri xa maneq rumak. Ri kere' ruk'aslen man jun bey k'a xtibe pa xulan.