Wuj Richin Bix Chire ri Dios 14 - Kaqchiquel Bible

Konojel ri winaqi' xemakun*f11*

¹ Ri winaqi' ri maneq kina'oj nikibij-qa pa kánima chi maneq Dios. Rije' xa xyojtej yan ri kik'aslen; ri kibanobal kan janila itzel. Kan man jun k'a ri nibanon ta ri utz.

² Ri Jehová nitzu'un-pe k'a chila' chikaj pa kiwi' ri winaqi', richin chi nutz'et wi k'o ta jun aj-na'oj, jun ri kan nikanon ri Dios.

³ Jak'a konojel xa xkich'er kan ki'; xa xyojtej ri kik'aslen. Kan man jun k'a ri nibanon ta ri utz; kan man jun k'a xilitej.

⁴ ¿Kan maneq ta k'a kina'oj ri yebanon etzelal y kan nikik'is ri rutinamit ri Dios achi'el xa ta ja ri kiway nikitej y kan man nikinataj ta rija'?

⁵ Re winaqi' re' kan xkek'ark'ot roma xibinri'il, roma ri Jehová kan k'o kik'in ri kikuquban kik'u'x rik'in rija'.

⁶ Ri e banoy etzelal kan yetze'en chirij ri ruch'obonik ri man jun ok k'o rik'in, jak'a ri Dios kan nuto' ri wineq ri'.

⁷ K'ate' ta chiri' pa juyu' Sión xtipe-wi ri kolonel qichin roj. Toq ri Jehová xtuya' chik urtisanik pa qawi' roj ri oj israelita, jari' toq xqojkikot qonojel.