Wuj Richin Bix Chire ri Dios 138 - Kaqchiquel Bible

Matioxinik roma ri rutzil ri Jehová*f120*

¹ Jehová, rik'in ronojel wánima xtinya' aq'ij; chikiwech k'a ri ch'aqa' chik dios xtinya' aq'ij rik'in bix.

² Yitzu'un pa ruchojmilal ri awachoch, y ninya' aq'ij. Xtinbixaj k'a ri abi' roma ri ajoyowanik y kan naben ri nabij, roma kan animirisan k'a ri abi' y ri ach'abel pa ruwi' ronojel.

³ Ri q'ij toq yin xich'on awik'in, kan xak'uluba-pe ri nuch'abel; kan xaya' k'a ri wuchuq'a'.

⁴ Kan tikiya' aq'ij rat Jehová, konojel ri rey richin ri ruwach'ulew, roma kak'axan ri ach'abel.

⁵ Kan ta xtikibixaj k'a ronojel ri abanon rat, Roma ri ak'ojlemal kan janila nim.

⁶ Rat Jehová kan atk'o pa ruwi' ronojel, y kan nawak'axaj ri ruch'abel ri wineq ri ruqasan-ri' chawech. Jak'a ri kinimirisan-ki' kan k'a nej atk'o-wi chike.

⁷ Wi ta yin ink'o pa ruk'ayewal, rat kan yinachajij. Kan xtatzeqej k'a ri aq'a' chikij ri e etzelanel wichin y yinakol.

⁸ Rat Jehová, kan xtaben k'a chupan ri nuk'aslen ri nawajo' rat. Ri ajoyowanik rat Jehová kan richin k'a jantape'. Roma ri' tabana' utzil man ta malij kan ri ja rat at banayon.