Wuj Richin Bix Chire ri Dios 13 - Kaqchiquel Bible

Ch'owen rik'in ri Dios chupan ri ruk'ayewal*f10*

¹ Jehová, ¿kan richin kami q'asen xinamestaj kan? ¿kan jantape' ta k'a xtawewaj-awi' chinuwech?

² ¿K'a janipe' kami xtitane' ronojel re q'axo'n re'? ¿kan q'ij-q'ij ta k'a xtik'oje' bis pa wánima? ¿kan jantape' ta k'a xtich'akon chuwij ri etzelanel wichin?

³ Jehová nu-Dios yin, kinatzu' y kinawak'axaj. Taya' wuchuq'a' richin man yiken ta roma q'axo'n,

⁴ richin man tikibij ri e etzelanel wichin chi xech'akon chuwij. Roma wi yin xkitzaq, rije' xa xkekikot chuwij.

⁵ Jak'a yin kan kuqul nuk'u'x rik'in ri ajoyowanik rat Jehová; kan nikikot ri wánima roma kan yinakol.

⁶ Kan xtinbixaj k'a ri abi' rat Jehová, roma ri awutzil kan janila nim pa nuwi' yin.