Wuj Richin Bix Chire ri Dios 121 - Kaqchiquel Bible

Ri Jehová chajinel qichin roj*f105*

¹ Kan xkitzu'un k'a q'anej pa ruwi' chijun la juyu'; ninbij k'a ¿Akuchi ta k'a xtipe-wi ri to'onik wichin yin?

² Ri to'onik wichin yin kan rik'in k'a ri Jehová nipe-wi. Ja rija' xbanon ri kaj y ri ruwach'ulew.

³ Rija' kan man xtuya' ta k'a q'ij richin yajilijo', ni man niwer ta k'a ri nichajin awichin.

⁴ Rija', kan man nuxlan ta, ni man niwer ta ri nichajin kichin ri qawinaq.

⁵ Ri Jehová jari' ri nichajin awichin; rija' kan yaruto' richin jantape'.

⁶ Roma ri' ri paq'ij, man jun xtak'uluwachij, y keri' chuqa' chupan ri tokoq'a'.

⁷ Ri Jehová xkaruchajij k'a chuwech ronojel ruk'ayewal; ja rija' xtichapo ri ak'aslen.

⁸ Ri Jehová k'o awik'in toq yatel-el y toq yatzolin. Keri' nuben re wakami y keri' tibe-q'ij tibe-seq.