Wuj Richin Bix Chire ri Dios 120 - Kaqchiquel Bible

Ch'owen richin jun ri nutej poqon*f103*

¹ Toq yin xik'oje' chupan ri tijoj-poqonal, kan xich'on rik'in ri Jehová. Rija' kan xirak'axaj k'a chire ri nuch'owen.

² Tabana' utzil Jehová kinakolo' chikiwech ri tz'ukuy taq tzij, chikiwech ri xaxe q'oloj nikiben.

³ ¿Rix winaqi' tz'ukuy taq tzij, achike k'a xtuben ri Dios iwik'in? ¿Achike ta k'a nich'ek chi keri' ri ibanobal?

⁴ ¡Ri nich'ek ja ri ch'ab ri is-is rutza'n ri nukusaj jun achin ri kan richin labal, ri kan ruk'uan racheq q'aq' ri keq-keq rubanon!

⁵ Toq'ex nuwech yin, ri ink'o pa ruwach'ulew Mésec,*f104* ri in k'es chikikojol ri aj-Quedar.

⁶ Xa kan xik'o yan k'a nuk'u'x chi in k'es chikikojol ri winaqi' ri man niqa' ta chikiwech ri uxlanibel-k'u'x.

⁷ Yin kan ja ri uxlanibel-k'u'x ri niqa' chinuwech, jak'a toq ninnataj re' chike, rije' kan yinkichop chi oyowal.