Wuj Richin Bix Chire ri Dios 1 - Kaqchiquel Bible

Ri qitzij kikoten

¹ Jebel ruwa-ruq'ij ri wineq ri man nutzeqelibej ta ri kipixa' ri itzel kik'aslen, ri man nibe ta chupan ri bey ri kik'uan ri aj-maki', ni man xjunamatej ta ruwech kik'in ri yech'on itzel chirij ri Dios.

² Pa ruk'exel ri' xa kan rik'in ri rupixa' ri Jehová nikikot-wi. Ri rupixa' ri Jehová jari' ri nuquqa-rij chi paq'ij chi chaq'a'.

³ Re wineq re' kan achi'el k'a jun che' ri tikil chuchi' jun raqen-ya', ri kan nuya' ruwech toq napon ri ruq'ijul y ri ruxaq kan man yetzaq ta el. Ronojel ri nuben kan utz k'a nel chuwech.

⁴ Man keri' ta k'a nibanatej kik'in ri yebanon ri etzelal. Rije' xa e achi'el k'a ri solot ri nuxupupej-el kaq'iq'.

⁵ Roma ri' rije' kan man xkekolotej ta k'a chuwech ri ruq'atoj-tzij ri Dios. Ni man xkek'oje' ta chikikojol ri choj kik'aslen.

⁶ Roma ri Jehová retaman rubeyal ri kik'aslen ri e choj, jak'a ri rubeyal ri kik'aslen ri e banoy etzelal xa kan xtik'is.