Wuj Richin ri Rutikeribel 36 - Kaqchiquel Bible

Ri e rijatzul ri Esaú

¹ Jak'a tanaj winaqi' re' ri e rijatzul kan ri Esaú ri chuqa' nibix Edom chire:

² Ri Esaú e ka'i' k'a xtani' aj-Canaán ri xe'ok rixjayil: Ri jun rubini'an Adá, rumi'al ri Elón rijatzul kan ri Het; y ri jun chik rubini'an Oholibamá, rumi'al ri Aná, rumam ri Sibón, ri heveo;

³ ri jun chik rixjayil ri Esaú ja ri Basemat, rumi'al ri Ismael, rana' ri Nebaiot.

⁴ Ri Adá xk'oje' ral rik'in ri Esaú y re' rubini'an Elifaz; chuqa' ri Basemat xk'oje' ral y xubini'aj Reuel;

⁵ Y ri Oholibamá xek'oje' ral rik'in ri Esaú y jare' ri kibi': Ri Jeús, ri Jaalam, y ri Coré. Ja e ralk'ual re' ri xe'alex toq rija' k'o chupan ri ruwach'ulew Canaán.

⁶ Ri Esaú xeruk'uaj-el ri rixjayil y ri e ralk'ual y konojel ri rusamajela' ri ek'o pa rachoch y konojel ri rawej ri ek'o rik'in pa Canaán y xbe pa jun chik ruwach'ulew richin chi man yek'oje' ta junan rik'in ri ruchaq'.

⁷ Kan chi e ka'i' janila chik k'iy kibeyomel k'o, y roma ri' man yeruben ta chik ri ruwach'ulew richin yewa' ri kawej.

⁸ Y ri Esaú, ri chuqa' nibix Edom chire, xbek'oje' k'a chuwi' taq juyu' richin ri ruwach'ulew Seir.

⁹ Jare' k'a ri e rijatzul ri Esaú, ri kitata' ri aj-Edom, ri ek'o chuwi' taq juyu' richin Seir.

¹⁰ Ja kibi' re' ri e ralk'ual ri Esaú: Ri Elifaz, ral ri Adá, y ri Reuel, ral ri Basemat.

¹¹ Ri e ralk'ual ri Elifaz ja: Ri Temán, ri Omar, ri Sefó, ri Gatam y ri Quenaz.

¹² Ri Elifaz xk'oje' jun chik ralk'ual ri xubini'aj Amalec rik'in ri jun chik rixjayil rubini'an Timná. Jare' ri e ral-riy ri Adá ri rixjayil ri Esaú.

¹³ Jare' ri e ralk'ual ri Reuel: Ri Náhat, ri Zérah, ri Samá, y ri Mizá, jare' k'a ri e ral-riy ri Basemat, ri jun chik rixjayil ri Esaú.

¹⁴ Ri e ral ri Oholibamá ri rumi'al ri Aná rumam xten ri Sibón ja ri Jeús, ri Jaalam y ri Coré. Jare' ri e ral rik'in ri Esaú.

Ri e aj-raqen kichin ri e rijatzul ri Edom

¹⁵ Jare' k'a ri e aj-raqen chikikojol ri rijatzul ri Esaú: Chikikojol ri e ralk'ual ri Elifaz, ri nabey ruk'ajol ri Esaú, ja ri Temán, ri Omar, ri Sefó, ri Quenaz,

¹⁶ ri Coré, ri Gatam, y ri Amalec. Jare' ri e aj-raqen chikikojol ri e rijatzul ri Elifaz chupan ri ruwach'ulew Edom, rije' e ral-riy kan ri Adá.

¹⁷ Ri e aj-raqen chikikojol ri e rijatzul ri Reuel, ri jun chik ruk'ajol ri Esaú, ja ri Náhat, ri Zérah, ri Samá, y ri Mizá. Jare' ri e aj-raqen chikikojol ri e rijatzul ri Reuel chupan ri ruwach'ulew Edom, rije' e ral-riy ri Basemat ri jun chik rixjayil ri Esaú.

¹⁸ Y ri aj-raqen chikikojol ri e ralk'ual ri Esaú rik'in ri Oholibamá, rumi'al ri Aná, ja ri Jeús, ri Jaalam, y ri Coré.

¹⁹ Konojel re' e rijatzul ri Esaú ri chuqa' rubini'an Edom, e aj-raqen chikikojol pa kiwi' ri kitzobaj.

Ri e rijatzul ri Seir

²⁰ Ri e rijatzul ri Seir ri horeo, ri e aj chiri' chupan ri ruwach'ulew ri': Ja ri Lotán, ri Sobal, ri Sibón, ri Aná,

²¹ ri Disón, ri Ezer, y ri Disán. Jare' ri e aj-raqen pa kiwi' ri tzobaj horeo, ri e rijatzul ri Seir pa ruwach'ulew Edom.

²² Ri e ralk'ual ri Lotán: Ja ri Horí, y ri Hemam. Y ri Lotán k'o k'a jun rana' rubini'an Timná.

²³ Ri e ralk'ual ri Sobal: Ja ri Alván, ri Manáhat, ri Ebal, ri Sefó, y ri Onam.

²⁴ Ri e ralk'ual ri Sibón: Ja ri Aiá y ri Aná. Y re Aná re' ja rija' ri xilo ri ralaxbel-ya' ri k'o pa tz'iran ruwach'ulew, toq e ruchajin ri rubur ri rutata'.

²⁵ Ri Aná xk'oje' jun ruk'ajol rubini'an Disón, y jun rumi'al rubini'an Oholibamá.

²⁶ Ri e ralk'ual ri Disón: Ja ri Hemdán, ri Esbán, ri Itrán, y ri Querán.

²⁷ Ri e ralk'ual ri Éser: Ja ri Bilhán, ri Zaaván, y ri Acán.

²⁸ Ri e ralk'ual ri Disán: Ja ri Us y ri Arán.

^29-30 Ri aj-raqen ri xek'oje' pa kiwi' ri kitzobaj kichin ri e horeo pa ruwach'ulew ri Seir jare': Ri Lotán, ri Sobal, ri Sibón, ri Aná, ri Disón, ri Éser, y ri Disán.

Ri xe'ok rey pa ruwach'ulew Edom

³¹ Jak'a rey re' ri ek'o pan Edom toq k'a man jani k'o ki-rey ri e rijatzul ri Israel:

³² Ri Bela, ruk'ajol ri Beor, rey richin ri Edom, y ri akuchi xq'aton-wi-tzij rubini'an Dinhaba.

³³ Toq ri Bela xken ja ri Jobab, ruk'ajol ri Zérah, xk'oje' kan pa ruk'exel, y ri rutinamit rubini'an Bosrá.

³⁴ Toq ri Jobab xken, ri xq'aton kan tzij pa ruk'exel ja ri Husam, ri peteneq pa kiruwach'ulew ri temanita.

³⁵ Toq ri Husam xken, ri xq'aton kan tzij pa ruk'exel ja ri ruk'ajol ri Bedad ri rubini'an Hadad, ri xuch'ek ri Madián pa rujuyu' ri Moab, y ri rutinamit rubini'an Avit.

³⁶ Toq ri Hadad xken, ri xq'aton kan tzij pa ruk'exel ja ri Samlá, y ri rutinamit rubini'an Masrecá.

³⁷ Toq ri Samlá xken, ri xq'aton kan tzij pa ruk'exel ja ri Saúl. Ri rutinamit rija' rubini'an Rehobot ri k'o chunaqaj jun nimalej raqen-ya'.

³⁸ Toq ri Saúl xken, ri xq'aton kan tzij pa ruk'exel ja ri Baal-hanán, ruk'ajol ri Acbor.

³⁹ Toq ri Baal-hanán xken, ri xq'aton kan tzij pa ruk'exel ja ri Hadad, ri rutinamit rija' rubini'an Pau. Ri rixjayil rubini'an Mehetabel, rumi'al ri Matred y rumam ri Mezaab.

⁴⁰ Ja kibi' re' ri aj-raqen kichin ri tzobaj chikikojol ri rijatzul ri Esaú: Ri Timná, ri Alvá, ri Jetet

⁴¹ ri Oholibamá, ri Elá, ri Pinón,

⁴² ri Quenaz, ri Temán, ri Mibsar,

⁴³ ri Magdiel, y ri Iram. Ri kibi' rije' jari' ri xubini'aj kan ri kitzobaj y ri akuchi xek'oje-wi, ri Esaú jari' ri kitata' ri aj-Edom.