Ester 10 - Kaqchiquel Bible

Ri ruruwaq'ijaj ri Mardoqueo

¹ Ri rey Asuero xuben k'a chi ri winaqi' richin ri ruwach'ulew ri ek'o pa ruq'a' rija', ri napon k'a chuchi' ri nimalej taq palou, kan k'o chi nikitoj chire rija' ri nuq'et pa kiwi'.

² Ronojel ri xuben ri Asuero rik'in ri ruchuq'a' ri ruq'atbal-tzij y ri runimirinen, y keri' chuqa' ri ruruwaq'ijaj ri Mardoqueo ri xya'ox chire roma ri rey, ronojel re' xtz'ibatej kan chupan ri wuj ri akuchi e tz'ibatel-wi ri e banatajineq chupan ri ruwach'ulew Medo-Persia.

³ Ri Mardoqueo, kan ja rija' ri xok ruka'n chire ri rey Asuero. Chuqa' xok jun nimalej achin chikikojol ri ruwinaq judío. Kan janila k'a xajowex koma ri ruwinaq, roma xukanoj ri utzil chire ri rutinamit y richin xk'oje' uxlanibel-k'u'x kik'in chi wiq chi tanaj.