1 Crón 9 - Kaqchiquel Bible

Ri winaqi' ri xetzolej pa Jerusalem

¹ Keri' toq konojel ri israelita xtz'ibatej kan ri kibi' chupan ri wuj kichin ri rey e richin Israel. Jak'a ri aj-Judá xe'uk'uex-el pa ruwach'ulew Babilonia, roma man xkiben ta ri nubij ri Jehová.

² Ri winaqi' israelita ri nabey xetzolin-pe pa taq kitinamit y pa taq kulew, jujun chike ri sacerdote, jujun chike ri e levita y jujun chike ri yesamej pa rachoch ri Dios.

³ Y ek'o chuqa' chike ri e kijatzul kan ri Judá, ri Benjamín, ri Efraín y ri Manasés ri xetzolej chuqa' pa Jerusalem.

⁴ Ri aj-raqen pa kiwi' ri aj pa rachoch ri rijatzul kan ri Fares ri ruk'ajol kan ri Judá ja ri Utai. Y rija' ruk'ajol ri Amihud, y ri Amihud ruk'ajol ri Omrí, y rija' ruk'ajol ri Imrí, y rija' ruk'ajol ri Baní, jun chike ri e rijatzul kan ri Judá. Y rije' xepe pa Jerusalem.

⁵ Chike ri silonita ja ri Asaías e rachibilan-pe ri e ruk'ajol.

⁶ Y chike ri e ralk'ual ri Zérah ri ruk'ajol kan ri Judá ja ri Jeuel y ri e rach'alal. Konojel k'a chi kach'alal-ki' ri xetzolin-pe e 690 tzobaj ri e rijatzul kan ri Judá.

⁷ Y ri kaji' aj-raqen richin jujun chike ri e rijatzul kan ri Benjamín xetzolej-pe pa Babilonia richin xe'ok'oje' pa Jerusalem. Y jun chike rije' rubini'an Salú, ruk'ajol ri Mesulam y rumam ri Hodavías ruk'ajol ri Senúa.

⁸ Y ri ch'aqa' chik aj-raqen kibini'an Ibneías ruk'ajol ri Jeroham; ri Elá ruk'ajol ri Uzí, ri Uzí ruk'ajol ri Micrí; y chuqa' ri Mesulam ruk'ajol ri Sefatías, ri Sefatías ruk'ajol ri Reuel, ruk'ajol ri Ibnías.

⁹ Re achi'a' re' e aj-raqen pa kiwi' ri ek'o pa kachoch; y ri kajlabal ri tzobaj ri aj pa rachoch e 956, y konojel re' e rijatzul kan ri Benjamín.

¹⁰ Y ri aj-raqen chike ri e sacerdote ri xetzolej-pe ek'o e waqi': Y ja ri Jedaías, ri Joiarib, ri Jaquín, ri Azarías,

^11-12 ri Adaías, y ri Masai. Re Azarías re' ruk'ajol ri Hilquías y rumam ri Mesulam, y ri Mesulam ruk'ajol ri Sadoc y rumam kan ri Meraiot, y ri Meraiot ruk'ajol kan ri Ahitub, y ri Ahitub aj-raqen pa ruwi' ri samaj ri k'o pa rachoch ri Dios. Ri Adaías ruk'ajol ri Jeroham y rumam ri Pashur, y ri Pashur ruk'ajol kan ri Malquías. Ri Masai ruk'ajol ri Adiel y rumam ri Jahzera, y ri Jahzera ruk'ajol ri Mesulam y rumam ri Mesilemit, y rija' ruk'ajol kan ri Imer.

¹³ Konojel k'a ri e sacerdote e 1,760; y rije' e aj-raqen pa kiwi' ri ek'o pa kachoch ri kitata', y chuqa' e achi'a' ri kan k'o ketamabal richin yesamej pa rachoch ri Dios.

¹⁴ Ek'o wuqu' aj-raqen pa kiwi' ri e levita ri xetzolej-pe pa Babilonia. Y ja ri Semaías ruk'ajol ri Hasub y rumam ri Azricam, ri Azricam ruk'ajol ri Hasabías ri eleneq-pe rik'in ri rijatzul ri Merarí;

¹⁵ ri Bacbacar; ri Heres; ri Galal; ri Matanías ruk'ajol ri Micaías y rumam ri Zicrí, y ri Zicrí ruk'ajol ri Asaf;

¹⁶ ri Abdías ruk'ajol kan ri Semaías y rumam kan ri jun chik Galal, y rija' ruk'ajol kan ri Jedutún; y ri Berequías ruk'ajol ri Asá y rumam ri Elcaná, y ri Elcaná xk'oje' pa ko'ol tinamit kichin ri netofatita.

¹⁷ Ja kibi' re' ri xechajin ri ruchi' ri rachoch ri Jehová: Ja ri Salum, ri Acub, ri Talmón, ri Ahimán y ri kach'alal. Ri Salum ja rija' ri aj-raqen ri xk'oje' pa kiwi'.

¹⁸ Y ja rije' ri xechajin ri ruchi' rubini'an Ri Akuchi Nok-apo ri Rey, ri k'o pa relebel-q'ij chire ri rachoch. Chikikojol ri e levita, ja rije' xechajin ri ruchi' ri rachoch ri Dios.

¹⁹ Ri Salum ruk'ajol ri Coré y rumam ri Ebiasaf, y ri Ebiasaf ruk'ajol kan ri jun chik Coré. Ri Salum y ri e kach'alal kan ek'o pa ruwi' ri samaj ri nikichajij ruchi' ri rachoch ri Dios, achi'el xkiben ri kati't-kimama' rik'in ri rachoch ri Dios banon rik'in tzieq.

²⁰ Pa nabey ja ri Finees ri ruk'ajol kan ri Eleazar xok aj-raqen pa kiwi' ri yechajin ri ruchi' ri rachoch ri Dios, y kan ja ri Jehová xk'oje' rik'in.

²¹ Y ri ruk'ajol ri Meselemías, rubini'an Zacarías, ja rija' ri nichajin ri ruchi' ri rachoch ri Dios banon rik'in tzieq.

²² Ri kajlabal ri chajinela' ri' e 212. Y rije' tz'iban k'a kibi', kan achi'el ri kijatzul ri pa taq kitinamit. Ja ri rey David y ri Samuel ri nitz'eton ri peteneq, ri xecha'on kichin richin ri samaj ri'.

²³ Rije' y ri kik'ajol xkichajij ruchi' ri rachoch ri Jehová, ri nibix chuqa' chire ri rachoch banon rik'in tzieq, y kan chi sol chi sol ri keri' xkiben.

²⁴ Rije' nikichajij chi kaji' ruchi' ri rachoch ri Dios: Pa relebel-q'ij, pa qajbel-q'ij, pa xaman y pa xokon.

²⁵ Ri kach'alal ri ek'o pa kokoj tinamit ye'apon kik'in richin yebekito' chupan re samaj re', y kan chi sol chi sol nikiben wuqu' q'ij.

²⁶ Jak'a ri e kaji' levita ri nikichajij ri kaji' ruchi' ri rachoch ri Dios, ja rije' ri ek'o pa ruwi' re samaj re'. Chuqa' ri e kaji' ri' kan nikichajij ri jay ri akuchi k'o-wi ri beyomel y ri ch'aqa' chik jay ri e richin chuqa' ri rachoch ri Dios.

²⁷ Rije' nikiq'axaj ri aq'a' y kan nikisutij-rij ri rachoch ri Dios, roma ja rije' yechajin, y chuqa' ja rije' yejaqon ruchi' ronojel nimaq'a'.

²⁸ Ek'o chike rije' ya'on kan ri samajibel pa kiq'a' ri yekusex toq yesamajin chupan ri rachoch ri Dios; y k'o chi yekelesaj-pe y yekiyek y yekajlaj kan.

²⁹ Y ri ch'aqa' chik, yekichajij ch'aqa' chik samajibel ri e jachon chire ri Dios, y man xaxe ta ri'; chuqa' nikiyek ri k'ej, ri vino, ri aceite, ri pom y ri jalajoj ruwech jubulej taq aq'om.

³⁰ Jujun chike ri sacerdote yexolo ri jubulej taq aq'om.

³¹ Y jun levita rubini'an Matatías, ri nimalaxel ruk'ajol ri Salum ri coreíta, ja rija' nibanon ponon kaxlan-wey richin ri sipanik.

³² Jujun chike ri e coatita ri e rach'alal ri Salum, yebanon ri kaxlan-wey ri nik'oje' pa ruwi' ri mesa, ri nikiya-apo ronojel q'ij richin uxlanenri'il.

³³ Ek'o chuqa' bixanela' aj-raqen kichin ri aj pa kachoch ri ek'o chiri' chupan ri rachoch ri Dios, y man nikik'en ta re samaj re', roma kan k'o kisamaj chi paq'ij chi chaq'a'.

³⁴ Jare' ri e aj-raqen pa kiwi' ri aj pa kachoch ri e levita, y kan xtz'ibatej kan ri kibi', konojel rije' xek'oje' pa Jerusalem.

Ri rijatzul kan ri Saúl

³⁵ Pa tinamit Gabaón chiri' xk'oje-wi ri Jehiel, ri kitata' ri aj-Gabaón. Ri rixjayil xubini'aj Maacá.

³⁶ Jare' ri kibi' konojel ri e rijatzul ri Jehiel: Ri nabey ja ri Abdón, k'ari' ri Sur, ri Cis, ri Baal, ri Ner, ri Nadab,

³⁷ ri Guedor, ri Ahió, ri Zacarías*f5*

³⁸ y ri Miclot. Ri Miclot xralk'ualaj ri Simí, konojel rije' chuqa' xek'oje' pa Jerusalem junan kik'in ri kach'alal.

³⁹ Ri Ner xralk'ualaj ri Cis, ri Cis xralk'ualaj ri Saúl, ri Saúl xeralk'ualaj ri Jonatán, ri Malquisúa, ri Abinadab y ri Es-baal.

⁴⁰ Ri Jonatán xralk'ualaj ri Merib-baal, ri Merib-baal xralk'ualaj ri Micaías.

⁴¹ Ri Micaías xeralk'ualaj ri Pitón, ri Mélec, ri Tarea y ri Acaz.

⁴² Ri Acaz xralk'ualaj ri Jará, ri Jará xeralk'ualaj ri Alémet, ri Azmávet y ri Zimrí; y ri Zimrí xralk'ualaj ri Mosá.

⁴³ Ri Mosá xralk'ualaj ri Biná, ri Biná xralk'ualaj ri Refaías. Ri Refaías xralk'ualaj ri Elasá, ri Elasá xralk'ualaj ri Asel.

⁴⁴ Ri Asel xeralk'ualaj ri Azricam, ri Bocrú, ri Ismael, ri Searías, ri Abdías y ri Hanán.