1 Crón 7 - Kaqchiquel Bible

Ri e rijatzul kan ri Isacar

¹ Ri Isacar xek'oje' e kaji' ralk'ual ri xkibini'aj: Tolá, ri Puvá, ri Jasub y ri Simrón.

² Ri e ruk'ajol ri Tolá ja ri Uzí, ri Refaías, ri Jeriel, ri Jahmai, ri Ibsam y ri Samuel, re' kan xe'ok aj-raqen kichin ri e aj pa rachoch ri kitata' y e achi'a' ri janila kuchuq'a'. Xe'ajlex k'a chi tzobaj ri e rijatzul ri Tolá chupan ri q'atbel-tzij richin ri David y ek'o k'a 22,600.

³ Ri e ruk'ajol ri Uzí ja ri Israhías. Y ri ruk'ajol ri Israhías ja ri Micael, ri Abdías, ri Joel y ri Isías. Re e wo'o' re' xe'ok e tata'al.

⁴ Roma janila e k'iy kixjayilal, roma ri' janila xk'iyer ri kijatzul, y chiri' xe'el-wi-el e 36,000 aj-labal.

⁵ Konojel k'a ri aj-labal ri e aj pa rachoch kan ri Isacar napon k'a 87,000 y rije' kan maneq xibinri'il chikiwech.

Ri e rijatzul kan ri Benjamín

⁶ Ri Benjamín xek'oje' e oxi' ruk'ajol; ri Bela, ri Béquer y ri Jediael.

⁷ Ri e ruk'ajol ri Bela ja ri Esbón, ri Uzí, ri Uziel, ri Jerimot y ri Irí. Re e wo'o' re' e aj-raqen pa kiwi' ri ek'o pa kachoch, achi'a' ri kan k'o kuchuq'a', konojel rije' e 22,034 aj-labal.

⁸ Ri e ruk'ajol ri Béquer ja ri Zemirá, ri Joás, ri Eliézer, ri Elioenai, ri Omrí, ri Jerimot, ri Abías, ri Anatot y ri Alémet.

⁹ Ri kajlabal ri kijatzul e 20,200 aj-labal.

¹⁰ Ri ruk'ajol ri Jediael ja ri Bilhán, y ri e ruk'ajol ri Bilhán ja ri Jeús, ri Benjamín, ri Ehud, ri Quenaaná, ri Zetán, ri Tarsis y ri Ahisáhar.

¹¹ Ja konojel re' e aj-raqen pa kiwi' ri e aj pa kachoch, y achi'a' ri janila kejqalen. Ri kajlabal ri kijatzul e 17,200 aj-labal.

¹² Ri kibi' ri e ruk'ajol ri Ir ja ri Sufam y ri Hufam. Ri ruk'ajol ri Aher ja ri Husim.

Ri e rijatzul kan ri Neftalí

¹³ Ri kibi' ri e ruk'ajol ri Neftalí rik'in ri Bilhá ja ri Jahseel, ri Guní, ri Jéser y ri Salum.

Ri e rijatzul kan ri Manasés

¹⁴ Ri Manasés xk'oje' jun ru-concubina aj-Siria y ri kalk'ual xkibini'aj Asriel y ri Maquir, ri Maquir jari' ri rutata' ri Galaad.

¹⁵ Ri Maquir xk'ule' rik'in jun ixoq ri peteneq kik'in ri winaqi' ri nibix Hufam y Sufam chike. Y ri rana' ri Maquir rubini'an Maacá. Y ri Manasés chuqa' xok rixjayil ri Selofhad, y rija' man xek'oje' ta ral alaboni', xaxe xtani'.

¹⁶ Ri Maacá ri rixjayil ri Maquir, xek'oje' e ka'i' ral, ri jun xubini'aj Peres y ri jun chik xubini'aj Seres. Y ri e ka'i' ruk'ajol ri Seres, ja ri Ulam y ri Réquem.

¹⁷ Ri ruk'ajol ri Ulam xubini'aj Bedán. Konojel re' jare' ri e rijatzul ri Galaad, ri ruk'ajol ri Maquir y ri rumam ri Manasés.

¹⁸ Ri rana', ri Hamoléquet, xek'oje' e oxi' ral alaboni' y ja kibi' re': Ri Is-hod, ri Abiézer y ri Mahlá.

¹⁹ Ri e ruk'ajol ri Semidá ja ri Ahián, ri Siquem, ri Liquehí y ri Aniam.

Ri e rijatzul kan ri Efraín

^20-21 Ri e rijatzul kan ri Efraín ja ri Sutélah, ri ruk'ajol ja ri Béred, ri Béred ruk'ajol ri Táhat, ri Táhat ruk'ajol ri Eladá, ri Eladá ruk'ajol ri Táhat, ri Táhat ruk'ajol ri Zabad, ri Zabad ruk'ajol ri Sutélah. Ek'o chik e ka'i' ruk'ajol ri Efraín xkibini'aj, Éser y Elad. Rije' xekamisex koma ri winaqi' richin ruwach'ulew Gat, roma xekimej ri kawej y kan chiri' xekamisex-wi kan.

²² Ri Efraín kan janila k'a k'iy q'ij xbison, y xe'apon ri e rach'alal rik'in richin xbekiq'ejela' kan.

²³ Chirij ri' xk'oje' chik jun ruk'ajol y xubini'aj Beriá,*f4* keri' xubij chire roma kan qajineq ri rupoqonal pa rachoch.

²⁴ Jak'a ri rumi'al ri Beriá ri rubini'an Seerá jari' ri xpaban-q'anej kichin ri tinamit Bet-horón ri k'o pa xulan y ri Bet-horón ri k'o pa jotol, y chuqa' ja rija' xpaban-q'anej richin ri tinamit Uzén-seerá.

²⁵ Jare' ri kibi' ri ch'aqa' chik rijatzul ri Efraín: Ri Réfah, ri Résef, ri Télah, ri Tahán,

²⁶ ri Ladán, ri Amihud, ri Elisamá,

²⁷ ri Nun y ri Josué.

²⁸ Y ri kulew ri e rijatzul ri Efraín ri xya'ox kan, ja ri k'o pa tinamit Betel, ri Naarán ri k'o pa relebel-q'ij chire ri Betel, ri Guézer, ri Siquem, ri Ayah, ronojel re' rik'in ri kokoj taq kitinamit.

²⁹ Ri rutinamit ri Efraín ri ek'o pa ruk'ulba't ri Manasés jare': Ri tinamit Bet-seán, ri Taanac, ri Meguido y ri Dor; ronojel re' rik'in ri kokoj kitinamit. Chiri' xek'oje-wi ri e rijatzul ri José, ri ruk'ajol kan ri Israel.

Ri e rijatzul kan ri Aser

³⁰ Jare' ri e ruk'ajol ri Aser, ri Imná, ri Isvá, ri Isví, ri Beriá, y ri Aser, re' xk'oje' jun rumi'al rubini'an Sérah.

³¹ Ri e ruk'ajol ri Beriá ja ri Héber y ri Malquiel, rutata' ri Birzávit.

³² Ri Héber xralk'ualaj ri Jaflet, ri Sémer, ri Hotam, y ri Héber xk'oje' jun rumi'al ri xubini'aj Suhá.

³³ Ri e ruk'ajol ri Jaflet ja ri Pasac, ri Bimhal, y ri Asvat.

³⁴ Ri e ruk'ajol ri Sémer ja ri Ahí, ri Rohgá, ri Jehubá y ri Aram.

³⁵ Ri e ruk'ajol ri Hotam ja ri Sofah, ri Imná, ri Seles y ri Amal.

³⁶ Ri e ruk'ajol ri Sofah ja ri Súah, ri Harnéfer, ri Súal, ri Berí, ri Imrá,

³⁷ ri Béser, ri Hod, ri Samá, ri Silsá, ri Itrán y ri Beerá.

³⁸ Ri e ruk'ajol ri Jéter ja ri Jefuné, ri Pispá y ri Ará.

³⁹ Ri e ruk'ajol ri Ulá ja ri Árah, ri Haniel y ri Risiá.

⁴⁰ Konojel re' e rijatzul kan ri Aser, y e aj-raqen pa kiwi' ri aj pa kachoch, y chuqa' achi'a' ri kan k'o kuchuq'a' y kan e richin labal. Ri kajlabal konojel rije' e 26,000 aj-labal.