1 Crón 4 - Kaqchiquel Bible

Ri e rijatzul kan ri Judá

¹ Ri e rijatzul ri Judá je ri Fares, ri Hesrón, ri Carmí, ri Hur y ri Sobal.

² Ri Reaías, ruk'ajol ri Sobal, ri xralk'ualaj ri Jáhat, y ri Jáhat xralk'ualaj ri Ahumai y ri Láhad. Jere' ri e aj pa kachoch ri soratita.

^3-4 Jere' ri e ruk'ajol ri Hur: Ri Etam, ri Jezreel, ri Ismá, ri Idbás, chuqa' k'o jun kana' rubini'an Haslelponi, ri Penuel rutata' ri Guedor, y ri Éser rutata' ri Husá. Jere' ri e ruk'ajol ri Hur ri nabey ruk'ajol ri Efrata, ri xtz'ukun ri tinamit Belén.

⁵ Ri Ashur, rutata' ri Tecoa, xek'oje' e ka'i' rixjayil, ri jun rubini'an Helá y ri jun chik rubini'an Naará.

⁶ Ri Naará jari' ri kite' ri Ahuzam, ri Héfer, ri Temení y ri Ahastarí.

⁷ Ri e ral ri Helá je ri Séret, ri Jesohar y ri Etnán.

⁸ Ri Cos, xralk'ualaj ri Anub y ri Sobebá, y jere' ri e kati't-kimama' ri e aj pa rachoch kan ri Aharhel, ruk'ajol ri Harum.

⁹ Ri Jabés jari' ri janila rejqalen chikiwech ri ch'aqa' chik rach'alal, y roma ri' ri rute' xubij Jabés chire roma xubij: Kan qitzij na wi, yin xinya' re jun k'aslen re' chuwech re ruwach'ulew rik'in q'axo'n, xcha'.

¹⁰ Ri Jabés kan xch'on rik'in ri Dios richin ri ruwach'ulew Israel, y xubij: Nink'utuj jun utzil chawe chi taya' urtisanik pa nuwi', y taya' jun nimalej ruwach'ulew chuwe, y xkinato' y xkinakol chuwech ri etzelal, richin keri' man nintej ta poqon, xcha'. Y ri Dios kan xrak'axaj ri ruk'utunik ri xuben.

¹¹ Ri Quelub, rach'alal ri Suhá, y xralk'ualaj ri Mehír; y ri Mehír xralk'ualaj ri Estón;

¹² Ri Estón xralk'ualaj ri Bet-rafá, ri Paséah y ri Tehiná. Ja ri Tehiná ri xtz'ukun-q'anej ri tinamit Nahas. Ja konojel re' ri xek'oje' pa tinamit Recá.

¹³ Ri e ruk'ajol ri Quenaz je ri Otoniel y ri Seraías. Ri e ruk'ajol ri Otoniel je ri Hatat, y ri Meonotai.

¹⁴ Y ri Meonotai, xralk'ualaj ri Ofrá. Ri Seraías xralk'ualaj ri Joab, ri e kati't-kimama' ri winaqi' ri xek'oje' pa taq'aj ri k'o kojol juyu' richin ri Harasim, roma yekiben jalajoj kiwech samaj rik'in kiq'a'.

¹⁵ Ri e ruk'ajol ri Caleb, ri ruk'ajol ri Jefuné, je ri Ir, ri Elá y ri Náam. Ri Elá jari' rutata' ri Quenaz.

¹⁶ Ri e ruk'ajol ri Jahaleel je ri Zif, ri Zifá, ri Tirías y ri Asarel.

^17-18 Ri e ruk'ajol ri Esdras je ri Jéter, ri Méred, ri Éfer, y ri Jalón. Ri Méred xk'ule' rik'in ri Bitiá, rumi'al ri rey richin Egipto, y xralk'ualaj ri María, ri Samai y ri Isbah, rutata' ri Estemoa. Ri Méred, xk'oje' jun chik rixjayil ri eleneq-pe rik'in ri rijatzul kan ri Judá, ri rute' ri Jéred, ri kitata' ri Guedor y ri Héber; y re Héber re' kitata' ri Socó y ri Jecutiel; y re Jecutiel re' rutata' ri Zanóah.

¹⁹ Ri rixjayil ri Hodías ja ri rana' ri Náham; y ri e rijatzul ja ri rutata' ri Queilá ri nibix garmita chire y ri Estemoa ri maacateo.

²⁰ Ri e ruk'ajol ri Simón je ri Amnón, ri Riná, ri Ben-hanán y ri Tilón. Ri e ruk'ajol ri Isí je ri Zohet y ri Ben-zohet.

²¹ Ri e rijatzul kan ri Selá, ruk'ajol ri Judá je ri Er, rutata' ri Lecá, y ri Ladá, rutata' ri Maresá y je ri e aj pa rachoch rija' ri yesamej rik'in lino pa tinamit Bet-asbea,

²² ri Joaquim y ri winaqi' ri ek'o chiri' pa tinamit Cozebá, ri Joás, ri Saraf ri xek'ule' kik'in xtani' aj-Moab y xetzolin chik pa Belén. Keri' tz'ibatel kan chupan ojer taq wuj ri achoq chupan nitz'ibex-wi ronojel ri nibanatej pa jun ruwach'ulew.

²³ Jare' ri e banoy taq bojo'y ek'o pa Netaim y pa Guederá, y ja rije' ri ye'ilin richin ri rey.

Ri e rijatzul kan ri Simeón

²⁴ Ri e ruk'ajol ri Simeón je ri Nemuel, ri Jamín, ri Jarib, ri Zérah y ri Saúl.

²⁵ Ri Saúl jari' ri rutata' ri Salum; ri Salum jari' rutata' ri Mibsam, y ri Mibsam rutata' ri Mismá.

²⁶ Ri Mismá ri' jari' rutata' ri Hamuel, re Hamuel re' rutata' ri Zacur, y re Zacur re' rutata' ri Simí.

²⁷ Re Simí re' xek'oje' e waqlajuj ruk'ajol y waqi' rumi'al, jak'a ri e rach'alal man xek'oje' ta k'iy kalk'ual, y roma ri' man xk'iyer ta ri e aj pa rachoch achi'el ri e rijatzul kan ri Judá.

²⁸ Y rije' xek'oje' pa tinamit Beerseba, pa Moladá, pan Hasar-sual,

²⁹ pa Bilhá, pan Ésem, pa Tolad,

³⁰ pa Betuel, pan Hormá, pa Siclag,

³¹ pa Bet-marcabot, pan Hasar-susim, pa Bet-birai y pa Saaraim. Ja ronojel re' ri e kitinamit, k'a toq xq'aton-tzij ri rey David.

³² Chuqa' ek'o wo'o' kitinamit kibini'an: Ri Etam, ri Ain, ri Rimón, ri Toquen y ri Asán,

³³ y chuqa' ronojel rik'in ri kokoj tinamit ri kisutin-rij ri tinamit y napon k'a pa tinamit Baalat. Jare' ri akuchi xek'oje-wi y xtz'ibatej kan ri kibi' ri kijatzul achi'el ri kajlabal.

³⁴ Y ja kibi' re': Ri Mesobab, ri Jamlec, ri Josías ruk'ajol ri Amasías,

³⁵ ri Joel, ri Jehú ruk'ajol ri Josibías, re' ruk'ajol ri Seraías, y re Seraías re' ruk'ajol ri Asiel,

³⁶ ri Elioenai, ri Jaacoba, ri Jesohaías, ri Asaías, ri Adiel, ri Jesimiel, ri Benaías,

³⁷ ri Ziza ruk'ajol ri Sifi, y ri Sifi ruk'ajol ri Alón, re Alón re' ruk'ajol ri Jedaías, y re Jedaías re' ruk'ajol ri Simrí, y ri Simrí ruk'ajol ri Semaías.

³⁸ Jare' ri kibi' ri xenatex yan qa, ri kan k'o más kiq'ij chikikojol ri aj pa kachoch. Y rije' kan janila xek'iyer chikiwech ri ch'aqa' chik tzobaj winaqi'.

³⁹ Roma ri' xkikanola' soq'olbel akuchi nikiyuq'uj ri kawej chuchi' ri tinamit Guerar*f2* pa relebel-q'ij chire ri taq'aj ri k'o chunaqaj ri tinamit.

⁴⁰ Y chiri' xkil-wi jun utz soq'olbel y kan janila k'iy y kan nim ruwech; kan man jun achike ta roma nikixibij-ki'. Ojer kan, chiri' k'a xek'oje-wi ri e rijatzul ri Cam,

⁴¹ jak'a pa ruq'ijul ri rey Ezequías aj-Judá, xepe ri achi'a'. Rije' kan xkiwulaj kan jumul ri taq kachoch ri ek'o-wi-qa ri winaqi' camita, y xek'oje' kan chiri' pa kik'exel, roma k'o jebel soq'olbel richin yekiyuq'uj ri kawej.

⁴² Chuqa' chikij rije' ek'o e 500 achi'a' ri e rijatzul kan ri Simeón xebek'oje' pa taq k'echelaj richin ri Seír richin xeyakatej chikij ri aj-Seír. Y ri aj-raqen kichin ri achi'a' re', ja ri Pelatías, ri Nearías, ri Refaías y ri Uziel; konojel re' e ruk'ajol kan ri Isí.

⁴³ Y xekik'is k'a kan konojel ri amalecita, y kan ek'o k'a chiri' k'a re q'ij wakami.