1 Crón 27 - Kaqchiquel Bible

¹ Chi ik' chi ik' ek'o e 24,000 aj-labal ri kinaban-ki' richin nikiben oyowal. Rije' y ri e aj-raqen pa kiwi' ri aj pa kachoch, e aj-raqen pa kiwi' ri aj-labal, y ri ye'ilin richin ri rey ek'o chuxe' kitzij re e kablajuj aj-raqen re':

^2-3 Ri nabey ik': Ja ri Jasobeam ruk'ajol ri Zabdiel, rijatzul kan ri Fares.

⁴ Ri ruka'n ik': Ja ri Dodai ri ahohíta.

⁵ Ri rox ik': Ja ri Benaías ruk'ajol ri nimalej sacerdote Joiadá.

⁶ Rija' jun chike ri e juwineq lajuj ri man jun xibinri'il chikiwech, y ri ruk'ajol Amizabad chuqa' jun aj-raqen.

⁷ Ri rukaj ik': Ja ri Asael rach'alal ri Joab. Y ri xk'oje' pa ruk'exel rija' ja ri ruk'ajol rubini'an Zebadías.

⁸ Ri ro' ik': Ja ri Samhut ri izraíta.

⁹ Ri ruwaq ik': Ja ri Irá ruk'ajol ri Iqués ri aj-Tecoa.

¹⁰ Ri ruwuq ik': Ja ri Heles ri paltita, rijatzul kan ri Efraín.

¹¹ Ri ruwaqxaq ik': Ja ri Sibecai aj-Husá, rijatzul kan ri Zérah.

¹² Ri beleje' ik': Ja ri Ebiézer ri aj-Anatot, rijatzul kan ri Benjamín.

¹³ Ri lajuj ik': Ja ri Maharai ri aj-Netofá, rijatzul kan ri Zérah.

¹⁴ Ri julajuj ik': Ja ri Benaías ri aj-Piratón, rijatzul kan ri Efraín.

¹⁵ Ri kablajuj ik': Ja ri Heldai ri aj-Netofá, rijatzul kan ri Otoniel.

¹⁶ Ri e aj-raqen kichin ri tzobaj ri e rijatzul kan ri Israel: Richin ri tzobaj Rubén ja ri Eliézer, ruk'ajol ri Zicrí; richin ri Simeón ja ri Sefatías, ruk'ajol ri Maacá;

¹⁷ richin ri Leví ja ri Hasabías, ruk'ajol ri Quemuel; richin ri e rijatzul kan ri Aarón ja ri Sadoc;

¹⁸ richin ri Judá ja ri Elihú, rach'alal ri David; richin ri Isacar ja ri Omrí, ruk'ajol ri Micael;

¹⁹ richin ri Zabulón ja ri Ismaías, ruk'ajol ri Abdías; richin ri Neftalí ja ri Jerimot, ruk'ajol ri Azriel;

²⁰ richin ri Efraín ja ri Oseas, ruk'ajol ri Azazías; richin ri jun nik'aj tzobaj Manasés ja ri Joel, ruk'ajol ri Pedaías;

²¹ richin ri nik'aj chik tzobaj Manasés ri ek'o pa Galaad ja ri Idó, ruk'ajol ri Zacarías; richin ri Benjamín ja ri Jaasiel, ruk'ajol ri Abner;

²² richin ri Dan ja ri Azarel, ruk'ajol ri Jeroham. Ja re' ri e aj-raqen kichin ri e tzobaj ri Israel.

²³ Toq ri David xerajlaj ri winaqi' israelita, man xerajlaj ta ri man jani k'o juwineq kijuna', roma ri Jehová rusujun chike ri kite-kitata' chi kan yeruwinaqirisaj ri israelita achi'el ri kajlabal ri ch'umila' ri ek'o chikaj.

²⁴ Ri Joab ral ri Seruiá xutikeriba' k'a kajlaxik ri achi'a', jak'a man xuk'is ta rubanik, roma ri Jehová Dios xyakatej royowal chirij ri tinamit Israel. Roma ri' xuya-pe jun nimalej rutojbalil-mak, y roma ri' man xq'alajin ta ri kajlabal chupan ri wuj richin ri e rubanobal ri rey David.

²⁵ Ri Azmávet ruk'ajol ri Adiel, ja rija' ri nichajin ri rubeyomel ri rey. Ri Jonatán ruk'ajol ri Ozías, ja rija' ri nichajin ri yakonabel ri ek'o pa taq juyu', pa taq tinamit, pa taq ko'ol tinamit y pa taq k'ojelibel ri e tz'apen chi tz'aq.

²⁶ Ri k'o pa kiwi' ri samajela' ri yeqasan ulew ja ri Ezrí ruk'ajol ri Quelub.

²⁷ Ri k'o pa kiwi' ri yetiko'n uva ja ri Simí aj-Ramat. Ri Zabdí aj-Sefam, ja rija' ri k'o pa kiwi' ri yeyakon ri ruya'al uva.

²⁸ Ri Baal-hanán aj-Guederá, ja rija' ri nisamej kik'in ri che' olivo y kik'in ri che' wíkix ri ek'o chuwa taq juyu' pa qajbel-q'ij chire ri Israel. Y ri Joás, ja rija' ri nisamej rik'in ri yakonabel richin aceite richin olivo.

²⁹ Ja ri Sitrai aj-Sarón ri k'o pa kiwi' ri awej ri yeyuq'ux pa taq'aj Sarón. Y ri Safat ruk'ajol ri Adlai, ja rija' ri k'o pa kiwi' ri awej ri ek'o pa ch'aqa' chik taq'aj.

³⁰ Ja ri Obil rijatzul kan ri Ismael ri k'o pa kiwi' ri camello. Ri Jehedías aj-Meronot ri k'o pa kiwi' ri ixoqi' taq bur.

³¹ Ja ri Jaziz riy ri Agar ri k'o pa kiwi' ri karne'l. Konojel k'a re' e rusamajela' ri rey David ri xechajin ri nima'q taq rubeyomel.

³² Ri Jonatán, ri ruch'utitata' ri David, rija' jun achin ri janila nowineq kan tijon jebel richin nipixaban. Rija' y ri Jehiel ruk'ajol ri Hacmoní, ja rije' e tijonel kichin ri e ralk'ual ri rey.

³³ Chuqa' ri Ahitófel y ri Husai ri arquita e ruq'a-raqen ri rey.

³⁴ Y chirij ri Ahitófel k'o k'a ri Joiadá ruk'ajol ri Benaías. Y chirij rija' k'o ri Abiatar. Ri Joab aj-raqen pa kiwi' ri aj-labal ri e richin ri rey.