1 Crón 2 - Kaqchiquel Bible

¹ Jere' ri e ruk'ajol kan ri Israel: Ri Rubén, ri Simeón, ri Leví, ri Judá, ri Isacar, ri Zabulón,

² ri Dan, ri José, ri Benjamín, ri Neftalí, ri Gad y ri Aser.

Ri e rijatzul kan ri Judá

³ Ri e ruk'ajol kan ri Judá: Jeri Er, ri Onán y ri Selá. Ri kite' re oxi' achi'a' re' ja ri rumi'al ri Súa, aj-Canaán. Jak'a ri Er, ri nabey ruk'ajol ri Judá, xa kan man utz ta rubanobal; roma ri' ri Jehová kan chi'anin k'a xrelesaj-el ri ruk'aslen.

⁴ Ri Tamar, ri rali' ri Judá, xek'oje' ka'i' ral, ri jun xubini'aj Fares y ri jun chik xubini'aj Zérah. Konojel k'a ri e ruk'ajol kan ri Judá e wo'o'.

⁵ Ri e ruk'ajol kan ri Fares ja ri Hesrón y ri Hamul.

⁶ Ri e ruk'ajol kan ri Zérah ja ri Zimrí, ri Etán, ri Hemán, ri Calcol y ri Dardá. Konojel ri e ruk'ajol e wo'o'.

⁷ Ri e ruk'ajol kan ri Carmí ja ri Acán, ri xk'amon-pe ri ruk'ayewal pa ruwi' ri tinamit Israel, roma k'o xeruk'en-pe, toq xa ri Dios rubin chi tik'is kan ronojel.

⁸ Ri ruk'ajol kan ri Etán ja ri Azarías.

⁹ Ri e ruk'ajol kan ri Hesrón ja ri Jerahmeel, ri Ram y ri Quelubai.

¹⁰ Ri Ram xralk'ualaj ri Aminadab, y re Aminadab re' xralk'ualaj ri Nahasón, tata'al kichin ri e rijatzul kan ri Judá.

¹¹ Ri Nahasón xralk'ualaj ri Salmá, y ri Salmá xralk'ualaj ri Booz.

¹² Ri Booz xralk'ualaj ri Obed y ri Obed xralk'ualaj ri Isaí.

¹³ Ri Isaí xralk'ualaj ri Eliab, ri nabey ruk'ajol. K'ari' ri Abinadab, ri Simá,

¹⁴ ri Natanael, ri Radai,

¹⁵ Ri Ósem y k'ari' ri David.

¹⁶ Re achi'a' re' xek'oje' ka'i' kana', ri nabey xubini'aj Seruiá y ri ruka'n xubini'aj Abigail. Ri Seruiá xek'oje' e oxi' ral y ja kibi' re': Ri nabey xubini'aj Abisai; ri ruka'n xubini'aj Joab y ri rox xubini'aj Asael.

¹⁷ Ri Abigail xk'oje' jun ral rubini'an Amasá. Ri rutata' rubini'an Jéter, rijatzul kan ri Ismael.

¹⁸ Ri Caleb, ri ruk'ajol ri Hesrón, xralk'ualaj ri Jeriot rik'in ri rixjayil rubini'an Azubá, y ri e ral ri Azubá ja ri Jéser, ri Sobab y ri Ardón.

¹⁹ Toq ri Azubá xken, ri Caleb xk'ule' chik rik'in jun ixoq rubini'an Efrata, y xk'oje' jun ral xubini'aj Hur.

²⁰ Ri Hur xralk'ualaj ri Urí, y ri Urí xralk'ualaj ri Besalel.

²¹ Toq ri Hesrón k'o chik oxk'al rujuna', xk'ule' rik'in ri rumi'al ri Maquir, ri rutata' ri Galaad, y xk'oje' jun kalk'ual rubini'an Segub.

²² Ri Segub xralk'ualaj ri Jaír; rija' xk'oje' juwineq oxi' rutinamit pa ruwach'ulew Galaad.

²³ Jak'a ri Guesur y ri Aram xa xkimej kan ri akuchi k'o-wi ri rutinamit ri Jaír, y chuqa' xkimej kan ri Quenat y ri kokoj rutinamit: Oxk'al k'a tinamit ri xkimej kan. Konojel k'a rije' e rijatzul kan ri Maquir, rutata' ri Galaad.

²⁴ Chirij ri rukamik ri Hesrón, ri Caleb xk'ule' rik'in ri Efrata ri rixjayil kan ri rutata', y xk'oje' jun ralk'ual rik'in y xubini'aj Asur; y jari' ri rutata' ri Tecoa.

²⁵ Ri nabey ruk'ajol ri Hesrón ja ri Jerahmeel, y ri nabey ruk'ajol ri Jerahmeel ja ri Ram. Y ri ch'aqa' chik ruk'ajol ja ri Buná, ri Orén, ri Ósem y ri Ahiás.

²⁶ Ri Jerahmeel xk'oje' jun chik rixjayil ri xubini'aj Atará, jari' ri rute' ri Onam.

²⁷ Ri e ruk'ajol ri Ram, ri nabey ruk'ajol ri Jerahmeel, ja ri Maas, ri Jamín y ri Équer.

²⁸ Ri e ruk'ajol ri Onam ja ri Samai y ri Jadá. Ri e ruk'ajol ri Samai ja ri Nadab y ri Abisur.

²⁹ Ri rixjayil ri Abisur, xubini'aj Abihail. Jari' ri kite' ri Ahbán y ri Molid.

³⁰ Ri e ruk'ajol ri Nadab ja ri Séled y ri Apaim. Ri Séled xken y kan man jun k'a ralk'ual xk'oje' kan.

³¹ Ri Apaim jari' rutata' ri Isí. Ri Isí jari' ri rutata' ri Sesán. Ri Sesán xk'oje' jun ralk'ual ri xubini'aj Ahlai.

³² Ri e ruk'ajol ri Jadá ri rach'alal ri Samai, je ri Jeter y ri Jonatán. Ri Jeter xken y kan man jun k'a ralk'ual xk'oje' kan.

³³ Ri e ruk'ajol ri Jonatán ja ri Pélet y ri Zazá. Konojel re' e rijatzul kan ri Jerahmeel.

³⁴ Ri Sesán man jun ruk'ajol xk'oje', xaxe xek'oje' rumi'al. Jak'a k'o jun achin aj-Egipto, samajel ri yuqul pa samaj rik'in, y rubini'an Jarhá.

³⁵ Y ri Sesán xuya' jun chike ri rumi'al chire ri ruloq'on samajel richin xok rixjayil, y re' ixoq re' xk'oje' jun ral ala' y xubini'aj Atai.

³⁶ Ri Atai xralk'ualaj ri Natán, y ri Natán xralk'ualaj ri Zabad.

³⁷ Ri Zabad xralk'ualaj ri Eflal, y ri Eflal xralk'ualaj ri Obed.

³⁸ Ri Obed xralk'ualaj ri Jehú, y ri Jehú xralk'ualaj ri Azarías.

³⁹ Ri Azarías xralk'ualaj ri Heles, y ri Heles xralk'ualaj ri Elasá.

⁴⁰ Ri Elasá xralk'ualaj ri Sismai, y ri Sismai xralk'ualaj ri Salum.

⁴¹ Ri Salum xralk'ualaj ri Jecamías, y ri Jecamías xralk'ualaj ri Elisamá.

Ri e ruk'ajol kan ri Caleb

⁴² Ja kibi' re' ri e ruk'ajol ri Caleb, ri rach'alal ri Jerahmeel: Ri nimalaxel ja ri Mesá, rutata' ri Zif, y ri ruka'n ja ri Maresá. Ri Maresá ri' rutata' ri Hebrón.

⁴³ Jare' ri kibi' ri e ruk'ajol ri Hebrón: Ri Coré, ri Tapúah, ri Réquem y ri Sema.

⁴⁴ Ri Sema ri' xralk'ualaj ri Ráham, y ri Ráham xralk'ualaj ri Jorcoam, y ri Réquem jari' ri rutata' ri Samai.

⁴⁵ Ri Samai jari' ri rutata' ri Maón, y ri Maón jari' ri rutata' ri Bet-sur.

⁴⁶ Ri Efá, ru-concubina ri Caleb, jari' ri rute' ri Harán, ri Mosá y ri Gazez. Ri Harán xralk'ualaj ri Gazez.

⁴⁷ Ri e ruk'ajol ri Jahdai jeri Réguem, ri Jotam, ri Guesán, ri Pélet, ri Efá y ri Sáaf.

⁴⁸ Ri Maacá, jun chik ru-concubina ri Caleb, kite' ri Séber y ri Tirhaná.

⁴⁹ Chuqa' xeralaj ri Sáaf, ri rutata' ri Madmaná y ri Sevá ri kitata' ri Macbená y ri Guibeá. Ri Caleb chuqa' xk'oje' jun rumi'al xubini'aj Acsa.

⁵⁰ Jere' ri e rijatzul kan ri Caleb. Ja kibi' re' ri e ruk'ajol ri Hur, ri nabey ral ri Efrata: Ri Sobal, ri rutata' ri Quiriat-jearim;

⁵¹ ri Salmá, ri rutata' ri Belén; y ri Haref, ri rutata' ri Bet-gader.

⁵² Ri e rijatzul kan ri Sobal, ri xtikeriban ri tinamit Quiriat-jearim, ja ri Reaías, nel chi tzij ri nik'aj chike ri winaqi' ri ek'o chupan ri tinamit Manahet,

⁵³ y ri e aj pa rachoch ri aj-Quiriat-jearim. Y chike rije' nibix-wi itrita, ri futita, ri sumatita, y ri misraíta. Y kik'in rije' e eleneq-wi-pe ri winaqi' soratita y ri estaolita.

⁵⁴ Ri e ruk'ajol ri Samá ja ri Belén, y ri winaqi' netofatita, ri Atrot-bet-joab, y ri e nik'aj chik tzobaj chike ri winaqi' ri ek'o pa Manahet y chuqa' ri soreíta,

⁵⁵ y ri e aj pa kachoch ri e aj-tz'ib ri ek'o pa tinamit Jabés: Ri winaqi' tirateo, ri simateo y ri sucateo. Jere' ri e quenita ri e eleneq pa rijatzul kan ri Hamat, ri tata'aj pa kiwi' ri jay richin ri Recab.