Khà Làng Bol 2 - Sră Goh 2018

Bơta rơndap tap sèng ală sàl ơm jat jơi bơtiàn Israel dê

¹ Yàng Jehôwa đơs mơ Môise lah:

² “Ală cau Israel pal bơtào sàl ơm bol khai dê gùt dar Sàl Tòm Mat mơ rềp di gơ, kòp nă cau ơm hơđơm bồng bi tòm khai dê bal mơ ală bồng bi hìu nhă khai dê.

³ Đah mattơngai lik, ală mpồl jơnum sàl ơm cau Juda dê pal bơtào hơđơm bồng bi bol khai dê. Cau at bồ làng bol Juda dê la Nahasôn kòn klau Amminadap.

⁴ Ntum khà làng bol bol khai dê la poh jơt poan rbô prau rhiang nă.

⁵ Jơi bơtiàn Issaka rơp bơtào sàl ơm bol khai dê di gah bol hơ̆. Cau at bồ làng bol Issaka la Nethanel kòn klau Suar.

⁶ Ntum khà mpồl làng bol khai dê la pram jơt poan rbô poan rhiang nă.

⁷ Jơi bơtiàn Jebulun rơp pơnjat di gah bol hơ̆. Cau at bồ làng bol Jebulun la Eliap kòn klau Helôn.

⁸ Ntum khà mpồl làng bol khai dê la pram jơt poh rbô poan rhiang nă.

⁹ Ntum khà cau lam bồ bơh sàl Juda jat mpồl bol khai dê, la dô rhiang phàm jơt prau rbô poan rhiang nă. Bol khai rơp lòt lài ngan.

¹⁰ Đah đơm rơp gơs ală mpồl hìu nhă sàl Ruben jat bồng bi bol khai dê. Cau at bồ làng bol Ruben la Elisur kòn klau Sedeur.

¹¹ Ntum khà làng bol khai dê la poan jơt prau rbô pram rhiang nă.

¹² Jơi bơtiàn Simeôn rơp bơtào sàl di gah bol hơ̆. Cau at bồ làng bol Simeôn dê la Selumiel kòn klau Jurisadai.

¹³ Ntum khà mpồl jơnum khai dê la pram jơt sin rbô pe rhiang nă.

¹⁴ Jơi bơtiàn Gat rơp bơtào sàl di gah bol hơ̆. Cau at bồ làng bol Gat la Eliasap kòn klau Reuel.

¹⁵ Ntum khà mpồl jơnum khai dê la poan jơt pram rbô prau rhiang pram jơt nă.

¹⁶ Jơh ală cau gơtơmut bal tòm sàl ơm Ruben dê jat ală mpồl jơnum bol khai dê la dô rhiang pram jơt dùl rbô poan rhiang pram jơt nă. Bol khai rơp lik lòt tòm mpồl dơ̆ bàr.

¹⁷ Gen Sàl Tòm Mat mơ sàl ală cau Lebi dê rơp lik lòt digùl ală sàl. Bol khai rơp lik lòt jat bơta rơndap kung be bol khai bơtào sàl, kòp nă jat bồng bi bol khai dê.

¹⁸ Đah mattơngai mut rơp gơs ală mpồl sàl Epraim dê hơđơm bồng bi bol khai dê. Cau at bồ làng bol Epraim la Elisama kòn klau Ammihut.

¹⁹ Ntum khà mpồl bol khai dê la poan jơt rbô pram rhiang nă.

²⁰ Jơi bơtiàn Manase rơp lik lòt pơnjat tơnơ̆ bol hơ̆. Cau at bồ làng bol Manase la Gamaliel kòn klau Phedajur.

²¹ Ntum khà mpồl bol khai dê la pe jơt bàr rbô bàr rhiang nă.

²² Jơi bơtiàn Benjamin rơp lik lòt pơnjat tơnơ̆ mơ bol hơ̆. Cau at bồ làng bol Benjamin la Abidan kòn klau Gideôni.

²³ Ntum khà làng bol khai dê la pe jơt pram rbô poan rhiang nă.

²⁴ Jơh ală cau klau geh tơmut bal mơ sàl ơm Epraim dê jat ală mpồl bol khai dê la dô rhiang mơ phàm rbô dô rhiang nă. Bol khai rơp lik lòt tòm mpồl dơ̆ pe.

²⁵ Đah đang rơp gơs ală mpồl jơnum sàl ơm Dan dê, hơđơm bồng bi bol khai dê. Cau at bồ làng bol Dan dê la Ahiejer kòn klau Ammisadai.

²⁶ Ntum khà mpồl jơnum khai dê la prau jơt bàr rbô poh rhiang nă.

²⁷ Jơi bơtiàn Aser rơp bơtào sàl ơm di gah bol hơ̆. Cau at bồ làng bol Aser dê la Phagiel kòn klau Ôkran.

²⁸ Ntum khà mpồl bol khai dê la poan jơt dùl rbô pram rhiang nă.

²⁹ Jơi bơtiàn Neptali rơp lik lòt pơnjat tơnơ̆. Cau at bồ làng bol Neptali la Ahira kòn klau Enan.

³⁰ Ntum khà mpồl bol khai dê la pram jơt pe rbô poan rhiang nă.

³¹ Ntum khà jơh ală cau klau geh cih tòm sàl cau Dan dê la dô rhiang pram jơt poh rbô prau rhiang nă. Bol khai rơp lik lòt lồi dut, hơđơm ală bồng bi bol khai dê.

³² Hơ̆ la ală cau Israel neh geh kòp khà jat hìu nhă bol khai dê. Jơh ală cau tòm sàl kòp jat ală mpồl jơnum bol khai dê la prau rhiang mơ pe rbô pram rhiang pram jơt nă.

³³ Bulah behơ̆, ală cau Lebi ò geh kòp bal mơ ală cau Israel ndai jat be jơnau Yàng Jehôwa neh sồr Môise.

³⁴ Behơ̆ làng bol Israel neh lơh tòm toh ală bơta mơ Yàng Jehôwa neh sồr Môise; hơ̆ la bơta bơtào sàl ơm hơđơm ală bồng bi bol khai dê mơ bơta lik lòt, kòp jơi bơtiàn mơ kòp hìu nhă khai dê.”