I Yal Yau 3 - Sră Goh 2018

Kòn sau Dabit mơ Salômôn

¹ Do la ală kòn klau Dabit neh tơnggơs khai in tòm Hebrôn: kòn tơnhoa la Amnôn, bơh Ahinôam cau Jejreel deh; kòn dơ̆ bàr la Daniel, bơh Abigail cau Karmel deh;

² kòn dơ̆ pe la Apsalôm, kòn klau Maaka dê, kòn ùr bơtau Talmai ơm tòm Gesur; kòn dơ̆ poan la Adônija, kòn klau Hagrit;

³ kòn dơ̆ pram la Sephatia, Abital; kòn dơ̆ prau la Itream, Eglah bau ùr khai deh;

⁴ prau nă kòn do neh deh khai in tòm Hebrôn la tiah khai neh at bồ tòm poh nam mơ prau kơnhai. Mơ khai at bồ pe jơt pe nam tòm Jerusalem.

⁵ Do la ală kòn klau neh deh khai in tòm Jerusalem: Simea, Sôbap, Nathan, mơ Salômôn, poan nă kòn do neh deh bơh Batseba kòn ùr Ammiel;

⁶ gen gơs Ibar, Elisama, Eliphelet,

⁷ Nôga, Nephe, Japhia,

⁸ Elisama, Eliada, mơ Eliphelet, sin nă.

⁹ Jơh ală cau do la kòn klau Dabit dê, ò kòp ală kòn klau neh deh bơh ală bau cồng; mơ ruh bol khai dê la Tamar.

¹⁰ Ală kòn sau Salômôn dê la: Rehôbôam; kòn klau Rehôbôam la Abija, kòn klau Abija la Asa, kòn klau Asa la Jehôsaphat,

¹¹ kòn klau Jehôsaphat la Jôram, kòn klau Jôram la Acasia, kòn klau Acasia la Jôas, kòn klau Jôas la Amajiah,

¹² kòn klau Amajiah la Ajaria, kòn klau Ajaria la Jôtham,

¹³ Aca kòn klau khai, Ejekia kòn klau khai, Manase kòn klau khai,

¹⁴ Ammôn kòn klau khai, Jôsia kòn klau khai.

¹⁵ Ală kòn klau Jôsia la: Jôhanan kòn tơnhoa, Jehôyakim kòn dơ̆ bàr, Jedekia kòn dơ̆ pe, Salum kòn dơ̆ poan.

¹⁶ Ală kòn sau Jehôyakim la: Jekônia mơ Jedekia,

¹⁷ mơ ală kòn sau Jekônia cau kòl kup cèng pơrdô la: Sealthiel,

¹⁸ Malkiram, Pedaia, Senajar, Jekamia, Hôsama, mơ Nedabia;

¹⁹ Ală kòn klau Pedaia la: Jerubabel mơ Simei; mơ kòn klau Jerubabel: Mesullam mơ Hanania, mơ Selômit la ruh bol khai dê;

²⁰ mơ Hasuba, Ôhel, Berekia, Hasadia, mơ Jusa Heset, pram nă.

²¹ Ală kòn klau Hanania la: Pelatia mơ Jesaia, kòn klau Rephaya la Aman, kòn klau Aman la Ôbadia, kòn klau Ôbadia la Sekania.

²² Ală kòn klau Sekania la Semayah. Mơ ală kòn klau Semayah la: Hattus, Igal, Baria, Nearia, mơ Saphat, prau nă.

²³ Ală kòn klau Nearia la: Eliôenai, Hiskiah, mơ Ajrikam, pe nă.

²⁴ Ală kòn klau Eliôenai la: Hôdabia, Eliasip, Pelaia, Akkup, Jôhanan, Delaia, mơ Anani, poh nă.