I Yal Yau 2 - Sră Goh 2018

Ală kòn klau Israel mơ ală kòn sau Juda dê

¹ Do la ală kòn klau Israel dê: Ruben, Simeôn, Lebi, Juda, Issaka, Jebulun,

² Dan, Jôsep, Benjamin, Neptali, Gat, mơ Aser.

³ Ală kòn klau Juda dê la: Er, Ônan, mơ Sela; pe nă kòn klau do la bơh Batsua cau ùr Kanaan neh deh Juda in. Mơ tai, Er kòn klau tơnhoa Juda dê la cau iơh bơsak di đap Yàng Jehôwa, mơ Kơnràñ neh tơnchơt khai.

⁴ Tamar ƀan khai dê kung deh khai in Peres mơ Jera. Juda gơs jơh ală la pram nă kòn klau.

⁵ Ală kòn klau Peres dê la: Hesrôn mơ Hamul.

⁶ Ală kòn klau Sera dê la: Simri, Ethan, Heman, Kalkôl, mơ Dara, jơh ală la pram nă.

⁷ Ală kòn klau Karmi dê la: Akar, cau lơh sơlồng sơlàng tòm Israel, neh tìs glài gơwèt hơ ală phan neh ơn is sàng goh;

⁸ mơ kòn klau Ethan dê la Ajaria.

⁹ Ală kòn klau neh deh Hesrôn in la: Jerameel, Ram, mơ Kebulai.

¹⁰ Ram tơnggơs Amminadap, mơ Amminadap tơnggơs Nasôn la cau kwang dờng at bồ ală kòn klau Juda dê.

¹¹ Nasôn tơnggơs Salma, Salma tơnggơs Bôô,

¹² Bôô tơnggơs Ôbet, Ôbet tơnggơs Jese.

¹³ Jese tơnggơs Eliap la kòn tơnhoa, Abinadap kòn dơ̆ bàr, Simna kòn dơ̆ pe,

¹⁴ Nethanel kòn dơ̆ poan, Radai kòn dơ̆ pram,

¹⁵ Ôsem kòn dơ̆ prau, Dabit kòn dơ̆ poh;

¹⁶ mơ ală kòn ùr la Seruiah mơ Abigail. Ală kòn klau Seruiah la Abisai, Jôap mơ Asael, pe nă.

¹⁷ Abigail tơnggơs Amasa, mơ bèp Amasa dê la Jether, cau Ismael.

¹⁸ Kalep kòn klau Hesrôn bơh bau ùr la Ajuba mơ Jeriôt tơnggơs ală kòn klau la: Jeser, Sôbap, mơ Ardôn.

¹⁹ Tòm tŭ Ajuba chơt, Kalep bau mơ Ephrat mơ tơnggơs Hur.

²⁰ Hur tơnggơs Uria, mơ Uria tơnggơs Bejalel.

²¹ Tơnơ̆ mơ hơ̆, Hesrôn, tòm tŭ khai gơs prau jơt nam, bau mơ kòn ùr Makir la bèp Galaat mơ tơnggơs Segup;

²² mơ Segup tơnggơs Jair, la cau neh gơs bàr jơt pe nơm ƀòn dờng tòm tiah Galaat.

²³ Mơya Gesur mơ Aram tòmpìt ai Habôt Jair, Kenat mơ ală ƀòn gơ dê, jơh mơ jơh la prau jơt nơm ƀòn dờng. Jơh ală cau do la kòn sau Makir dê, bèp Galaat.

²⁴ Tơnơ̆ mơ tŭ Hesrôn chơt tòm Kalep Ephrata, Abija bau ùr Hesrôn deh khai in Asur; Asur tơnggơs Tekôa.

²⁵ Ală kòn klau Jerameel, kòn tơnhoa Hesrôn dê la: Ram kòn tơnhoa khai dê, Buna, Ôren, Ôjem, mơ Ahija.

²⁶ Jerameel kung gơs dô nă bau ùr ndai sơnđan la Atara; khai la mè Ônam.

²⁷ Ală kòn klau Ram, kòn tơnhoa Jerameel dê la: Maas, Jamin, mơ Eker.

²⁸ Ală kòn klau Ônam dê la: Sammai, mơ Jada. Ală kòn klau Sammai dê la: Nadap, mơ Abisur.

²⁹ Sơnđan bau ùr Abisur dê la Abihail, mơ khai deh Abisur in Aban mơ Môlit.

³⁰ Ală kòn klau Nadap dê la: Selet mơ Appaim; mơ Selet chơt ò gơs kòn.

³¹ Kòn klau Appaim la Isi. Kòn klau Isi la Alai.

³² Ală kòn klau Jada, oh Sammai la: Jether mơ Jônathan; mơ Jether chơt ò gơs kòn.

³³ Ală kòn klau Jônathan dê la: Pelet mơ Jaja. Ală cau do la kòn sau Jerameel dê.

³⁴ Mơ tai, Sesan ò gơs kòn klau, mìng kòn ùr lơm; mơya Sesan gơs dô nă cau dĭ Ejiptơ sơnđan la Jarha.

³⁵ Behơ̆ Sesan ai kòn ùr khai bau mơ Jarha cau dĭ khai dê; mơ bol khai tơnggơs Attai khai in.

³⁶ Attai tơnggơs Nathan, mơ Nathan tơnggơs Jabat.

³⁷ Jabat tơnggơs Ephơlal, mơ Ephơlal tơnggơs Ôbet.

³⁸ Ôbet tơnggơs Jehu, mơ Jehu tơnggơs Ajaria.

³⁹ Ajaria tơnggơs Heles, mơ Heles tơnggơs Eleasa.

⁴⁰ Eleasa tơnggơs Sismai, mơ Sismai tơnggơs Sallum.

⁴¹ Sallum tơnggơs Jekamia, mơ Jekamia tơnggơs Elisama.

⁴² Ală kòn klau Kalep oh Jerameel dê la: Mesa kòn tơnhoa la bèp Jip. Ală kòn klau Maresa tơnggơs Hebrôn.

⁴³ Ală kòn klau Hebrôn dê la: Kôra, Tapua, Rekem, mơ Sema.

⁴⁴ Sema tơnggơs Raham, Raham tơnggơs Jorkeam; mơ Rekem tơnggơs Sammai.

⁴⁵ Ală kòn klau Sammai dê la: Maôn; mơ Maôn tơnggơs Bet Jur.

⁴⁶ Epha bau cồng Kalep kung tơnggơs Haran, Mosa, mơ Gase; mơ Haran tơnggơs Gajes.

⁴⁷ Ală kòn klau Jadai dê la: Regem, Jôtham, Gesan, Pelet, Epha, mơ Saap.

⁴⁸ Maaka, bau cồng Kalep, deh Seber mơ Tirhana.

⁴⁹ Khai kung deh Saap mơ Seba; Saap tơnggơs Matmanna, Seba tơnggơs Makbena mơ Gibea; mơ kòn ùr Kalep la Aksah.

⁵⁰ Ală cau do la kòn sau Kalep dê. Ală kòn klau Hur kòn tơnhoa Ephrata dê la: Sôbal tơnggơs Kiriat Jearim,

⁵¹ Salma tơnggơs Betlehem, mơ Harep tơnggơs Betgader.

⁵² Sôbal bèp Kiriat Jearim gơs ală kòn klau ndai la: Harôe, mơ nggùl làng bol Menuhôt.

⁵³ Mơ ală hìu nhă Kiriat Jearim la: mpồl Itrit, mpồl Puthit, mpồl Sumathit, mơ mpồl Misrait; bơh ală mpồl hơ̆ gơs mpồl Jôratit mơ mpồl Estaolit.

⁵⁴ Ală kòn klau Salma la: Betlehem, mpồl Netôphatit, Atrôt bet jôap, mơ nggùl mpồl Manahathit, mpồl Jôrit.

⁵⁵ Ală hìu nhă ală cau cih sră ơm tòm Jabes la: mpồl Terathit, mpồl Simeathit, mơ mpồl Sekathit. Do la làng bol Kenit tơnggơs bơh Hammat la ồng pàng hìu Rekap dê.