Đơs Crih 4 - Sră Goh 2018

Bơta hòi dan tòm mho

Jơnau Đơs Crih Dabit cih. Ai cau lam bồ đơs chò in ngui mơ kơñi pĕ

¹ Ơ Yàng Tom Trồ la bơta song ring añ jê, tòm tŭ añ hòi dan, dan ho jơnau añ jê. Tòm tŭ añ gơtìp bơta bòl glar, Kơnràñ ơn añ tòm tiah dờng ơnàng. Dan kòñ nđàc di añ mơ iat jơnau hòi dan añ jê.

² Ơ ală kòn mơnus, bơta gơklŏ añ jê rơp gơkòl sền òsơp jơl tus di tŭ lơi taih? Ală bol mê rơp kòñ gơboh dê bơta roh lơm, mơ jòi jat bơta blac chừt jơl tus di tŭ lơi taih? (Selah)

³ Mơya pal git lah Yàng Jehôwa neh lòi is cau duh rngòt Kơnràñ in, tòm tŭ añ hòi dan, Yàng Jehôwa iat jơnau añ.

⁴ Dilah gơs bơta gơjrañ, gen bañ tìs glài; Hơđang cơnòng bic he dê, kơlôi sơnơng tĕ tòm nùs mơ ơm mŏ mŏ. (Selah)

⁵ Ơn tĕ bơta song ring lơh gơs phan ơn duh khoai, Mơ ơn nùs dòn kơnòm dê Yàng Jehôwa.

⁶ Gơs oă cau đơs lah: “Ñcau rơp ai bol he in gŏ bơta lơngai taih? Ơ Yàng Jehôwa, dan bơta àng mat Kơnràñ dê sòl hơđang bol hi.”

⁷ Yàng lơh nùs añ in hòn chò oă rlau mơ bol khai, Tòm tŭ bol khai gơs oă kòi mi mơ tơrnòm ño tơngkah tơngkañ.

⁸ Ơ Yàng Jehôwa, añ rơp bic mơ bic lơhă lơngap lơngai; Bơh mìng dô nă Kơnràñ lơh añ in bic ring lơngai.