Đơs Crih 130 - Sră Goh 2018

Gơn kơnòm di Yàng kòñ nđàc toh glài

Bơta đơs chò tơngguh hơđang

¹ Ơ Yàng Jehôwa! Bơh di ală tiah brong jrô añ rac dan mơ Kơnràñ!

² Ơ Yàng, dan iat jơnau añ! Dan wèt tồr Kơnràñ dê iat jơnau rac dan añ jê.

³ Ơ Yàng Jehôwa, dilah Kơnràñ prap kah sùm bơta tồi glài iơh bơsak, gen ơ Yàng! Ñcau rgơi ntào jai taih?

⁴ Mơya Yàng gơs nùs toh glài, Nàng cau in duh rngòt dê Kơnràñ.

⁵ Añ kơp gơn Yàng Jehôwa, hwềng soàn añ kơp gơn Kơnràñ; Añ gơn kơnòm di jơnau Kơnràñ dê.

⁶ Hwềng soàn añ kơp gơn Yàng Jehôwa Rlau mơ cau kơp gơn àng drim, Ngan, rlau mơ cau drơng mang kơp gơn àng drim.

⁷ Ơ Israel, gơn kơnòm tĕ dê Yàng Jehôwa! Bơh Yàng Jehôwa gơs nùs kòñ gơboh kơ̆ dơn, Mơ gơs bơta dong tơwài tơngkah tơngkañ.

⁸ Kơnràñ rơp tơwài Israel bơh di jơh ală bơta tồi glài iơh bơsak bol khai dê.