Đơs Crih 124 - Sră Goh 2018

Ưnngài Yàng bơh neh dong tă Israel klàs bơh di cau sò tơm

Bơta đơs chò tơngguh hơđang. Dabit cih

¹ Lòi Israel đơs lah: “Dilah Yàng Jehôwa neh ò ơm đah mơ bol he,

² Dilah Yàng Jehôwa neh ò ơm đah mơ bol he, Tòm tŭ cau sò tơm brồ lơh bol he,

³ Gen bol khai neh sa loan ris bol he rau, Tòm tŭ bơta gơjrañ bol khai dê gơhào tòmdră mơ bol he;

⁴ Gen dà tih neh bŭ bol he, Dà har neh cèng pơrdô bol he,

⁵ Mơya ală ryà dà bơta gơhào gơjrañ Neh cèng pơrdô bol he rau.

⁶ Jòng ro Yàng Jehôwa, Bơh Kơnràñ ò jào phi bol he be phan dòm sề bol khai in.

⁷ Bol he neh geh lik klàs be sềm lik klàs bơh dă cau pơt; Dă neh pă mơ bol he lik klàs.

⁸ Bơta dong kòl bol he dê ơm tòm sơnđan Yàng Jehôwa, La Bơtau neh crơng gơs trồ mơ tiah.”