1 Timote 3 - Kota Kiwoyeti (koq) NT Portions

Bakɔkɛ ba babukwɛ

¹ Taka iyɔkɔ ja mombo: Wɛnɛ moto ahaka ikwaka isi ya inɛnɛ obuka bya babukwɛ, ahaka itɛlɛ ja mbɛ.

² Ya nyɛ moto akɔkɛ buka bwa babukwɛ aja teka masicɛ, aja na mwaji mɔkɔ, boyimbo, na matemange ma mbɛ, mabiya, anyɛnyi hɛlɛ maheya obweji.

³ Ango teka mwa maku na ijaka na ibuku, nde ajace na bokungu, ango teka ja na itɔndɔ ja balɔlɔ.

⁴ Ajace na ngwiji ya ikɔkɛcɛ itona jeji amɛnɛ na bana beji basiswace ango buce amɛnɛ.

⁵ Bosina te, moto teka ja na ngwiji ya ikɔkɛcɛ itona jeji amɛnɛ, elongaka buka bwa babukwɛ ba Zambe na?

⁶ akojace moto amɛmɛnɛ Zɛzi minyan matɛ. Bosina te, atoko beka ewɛlɛ na ijaka o pabo mwa nyanwu nda satan.

⁷ Ya nyɛ bato baji teka ja bakelete basiswa ango, bosina te batoko byaza ango na ituwaka ulambo ja satan.

Bajakɛlɛ (kɔle mwa balɔlɔ)

⁸ Etɛ mɛnɛ eko na bajakɛlɛ bajace na bango obweji hongololo, teka mensimo memba. Ango teka mwa maku na ihakaka balɔlɔ balungu.

⁹ Usɛ ajace kanganga o ehaji ya ibukwɛ, na matemange ma pu.

¹⁰ Ya nyɛ basɔzɛ bango bohoboho, onyate mɛnɛ, wɛnɛ teka emba ya benyɛniwɛ masicɛ ukwa ango, banyɛnyi jaza nda Bajakɛlɛ (bakɔle ba balɔlɔ.)

¹¹ Etɛ mɛnɛ eko, na bahito baji bajakɛlɛ bajace ba bahima, bango teka ja na besɔhesɔhe na bamɛ, bangu jaka ka na ilela na bango.

¹² Jakɛlɛ aja na mwaji mɔkɔ, ajace na pizo ya ikɔkɛcɛ bana beji na itona jeji.

¹³ Bajakɛla bajaza obweji ehaji bebesɛcɛ ango, yango yawɛ bango pizo ya isɔhɔkɔ na izime na ibukwɛ na Zɛzi-Kilisitɛ.

Iyanda ji nɛnɛ

¹⁴ Mamu kwɛlɛ ɔbɛ ndɛni, ya maji na ilela te maya ngune yɛne ɔbɛ.

¹⁵ Ice mahimwa teka ya ikumɛcɛ ɔbɛ, mangwɛli matɛ ma ehɛlɛcɛ nda ojaka o elongwɛ ya Zambe, yaji buka bwa babukwɛ ba Zambe aji na ndonga, akambɛ bemba bya mombo.

¹⁶ Hin, ya jɛ bonɛnɛ iyemba ja iyanda ja ngambala ja bahɛlɛ o ibukwɛ ja mini! Kilisitɛ, apwa nda moto, ajasa hɛlubwɛ hongololo na Ekokoyi ya Pu na bangɛlɛ mɛjɛmɛjɛ ango. Batandasa o panga betomba, bato buje babukwɛ ango o mɔngɔ, amanyasa na kuma ya Zambe.