Marako 1 - Enjiri Nkokuyahandikawa Marako 1914

¹ Eritandika erye Njiri ya Yesu Kristo, Omwana wa Nyamuhanga.

² Nkokukyahandikirwe omu Nabi Isaya ambwa, Langira, ngatuma omukwenda wage omu meso awu, Akandisyawaniya ikute lyawu;

³ Omulenge wewe oyokabirikira omu irungi atya Muwanaye ikute lya Mukama, Mulunkule esyampenda siwe;

⁴ Yohana mwasa, oyabatiza omu irungu, nyane mutulawo Eribatizibwa, eryesubamu erirusibwaho ebibi.

⁵ Nekitaka ekyosye ekya Buyudaya, nabe Yerusalemi abosye mubalwayo, mubasa haliyo, mubabatizibwa eyo omu kisokero Yorudani, ebanamubuga ebibi byabo.

⁶ Kandi Yohana yambalaga ebyeya ebyangamira nyanemweboha omuliki oweluhu omu nda yiwe, kandi abya akalya esyangike nobukyi obwesyanzuki ezomukisuki.

⁷ Nyanemutulawo nyanemubuga atya oyokasa enyuma yage niyo andengirye mani, kandi sindiwana erinama eribohola omukoba orwesyanketo siwe.

⁸ Nage ngababatizaya na maiza, baitu oyu akandisyabatiza Nomulimu Owakera.

⁹ Kandi mukyahika omu bero ebi Yesu mwarwayo Nazalesi orwa Galiraya, mwasa eribatizebwa Yohana omu Yorodani.

¹⁰ Neryoneryo abere amalwa omu maiza, mwalangera olubula rusatikire Nomulimu nyane nkakalikuku nyanemwandagala haliwe,

¹¹ nomulenge mwahuruka omu lubula ambwa, Niwe Omwana wage owonganza, oungakyanganukira kutzebu.

¹² Neryoneryo Omulimu mwamuhigīra omu kisuke.

¹³ Mwakesyayo omu kisuke ebero amakumi ani, nyanemohebwa Satani; mwaikala hawuma nebinyama; abamaraika mubamuhererya.

¹⁴ Kandi hanyuma Yohana abere bamuhereryayo, Yesu mwasa Galiraya, nyanemutulawo Enjiri ya Nyamuhanga,

¹⁵ nyanemubuga atya, akasomi kahikire, obukama bwa Nyamuhanga busiya erihika; mwesubemu, mukiriraye Enjiri.

¹⁶ Abya akalaba ha mukinki gwenketzi gwe Galiraya, mwalangera Simoni na Anderiya muwala wabu mubawusa ekisohi omu ngezi, baitu babya bali basohi.

¹⁷ Yesu mwababwera atya mwase mungwame nage ngandisyabahindura basohi ba bantu.

¹⁸ Neryoneryo mubasigayo bisoha, mubamukwamera.

¹⁹ Abere amalabaho omu meso hake, mwalangera Yakobo omwana wa Zebadayo na Yohana mugenziwewe, nabo bali omu bwato, ebanemukundikaniza ebishoa.

²⁰ Neryoneryo mwababirikira, mubasigaho tata wabu Zebadayo, nabo abakumbira ebihembo omu bwato, mubamukwamera.

²¹ Kandi mubingera omu Kaperenaumu; neryoneryo ha kero kya Sabiti mwingera omu isolēro, mwasomesa.

²² Mubasweka obwerisomesa liwe; baitu mwabasomesa ngayuwete obusobozi, ahatali ngabahandiki.

²³ Neryoneryo omu isorolero lyabo haba halimo omuntu enyaneho omulimu omubi,

²⁴ mwalaka nyanemubuga ambu, Twamarwira ki? itwe nawu, Yesu owa Nazalesi, wasire erituhwerekererya? ngakwasi, niwe owakera owa Nyamuhanga.

²⁵ Yesu mwamupurera mwabuga atya Hune, mulweho.

²⁶ Omulimu omubi mwamusonanga, enyanemulaka nomulenge munene, mwamulwako.

²⁷ Basweka abosye, ebanemubulaniya ambwa, nikihi kino? erisomesya erihyaka, mwalayera nobusobozi nemilimu emibi, yenemumowa.

²⁸ Kandi erimulanga liwe mulyahika luba, hosyehosye, omu kitaka kyosye ekya Galiraya ekiherere.

²⁹ Neryoneryo babere bamuhuluka omu isolervo, mubingera hawuma na Yakobo na Yohana omu nyumba ya Simoni na Anderiya.

³⁰ Kandi mwabyala Simoni abya alere alwere omucutsa; neryoneryo mubamubwera okwali;

³¹ mwasa, mwamukwata ha kuboko mwamuhanganya: omucutsa mwamulwaho, kandi mwabahulira.

³² Kandi omu igolo, eryuba eryamatobera, mubamuletera abalwere abosye, nabo ababya abaleho daimona.

³³ Nekikali kyosye mukyasunganiriya ha kyaswa.

³⁴ Mwalamya abanene ababya abalwere esyendwara esyendi nesyendi, mwahega daimona eminene; kandi mwatakirirya daimona eribuga baitu muyamumenya.

³⁵ Kandi omu nkyakya kutzebu, wakere ekero, mwahangana mwahuluka, mwagenda omu irungu, mwasabera okwo.

³⁶ Simoni nabo ababya bali nayo mubamukwamera.

³⁷ Mubamubana, mubamubwera ambwa, abosye bakakusundaya.

³⁸ Mwabwere atya Tugende handi, omu maka awali hakuhi, ndulewo eyo; baitu nekyo nasera.

³⁹ Mwankera omu isorolero owabo omu Galiraya eyosye nyanemutulawo, nyanemuhiga daimona.

⁴⁰ Kandi omuhaga mwasa ahaliyo, nyanemusengererya, mwamukukamera amaru, mwamubwera atya, okandisyaba okanza okasobola erinyiwanya.

⁴¹ Mwakwatwa ekisa mwalunkula okuboko kuwe mwamukolako, mwamubwera atya, Nganza wanyibwa.

⁴² Neryoneryo ebihaga biwe mubyamulwako, mwawanyibwa.

⁴³ Mwamubwerera kutsebu, mwamusendeka luba,

⁴⁴ mwamubwera atya Langera sobuyireho muntu, baitu genda, oyekangaye hali nyakatagara, obembe habweriwanyibwa lyawu Musa ebiyalayera eriba kaiso ahabali.

⁴⁵ Baitu mwahuluka, mwatanga erikaniya kutsebu nerihikya ekinywa, kandi Yesu mwatasobola erisubula omu kikali busabusa, baitu abya akaikala eyihya omu irungu; basaga ahaliyo abalwa hosyehosye.