YAPHANG 36 - Kok Borok (Re-edited) Bible (BSI)

Esauni bosong

¹ Omorokno Esauni bosongrok, (bórokno Idom bo hwno.)

² Esau Kananni bwrwirok bai káijak kha; Hitisa Elonni bwsajwk Ada, Hibisa Jibeonni bwsla Anani bwsajwk Oholibama,

³ Tei Ismaelni bwsajwk, Nebaiotni bukhuk Basemat;

⁴ Ada Esauni bagwi Eliphasno bá kha tei Basemat khe Reuelno bá kha,

⁵ tei Jeus khe Jalam tei Korano bá kha. Omorok wng kha Esauni bwsarok, bórok bebakno ha Kanano achainairok.

⁶ Hakhe Esau bini núkhungni bebak borokrokno, mal-matarok tei musuk-merarok tei ha Kanano ajima bebak rang-rírok tẃiwi bo bini takhuk Jakobni aroni hakchalma ha-o thángwi pái kha.

⁷ Bórokni mal-mata, manwi-khwnwi belai bángmani bagwi bórok kwrẃngsa-o tong laiwi man lai li ya. Mal-matarok bángmani bagwi a ha-o chak lai ya wng kha.

⁸ Hakhe Esau hatháini ha Seiro tong kha; Esauno Idom.

⁹ Omorokno Esauni bosongrok, Idom bosongrokni bupha. Bórok Seir hathái-o tongnairok

¹⁰ Omorok wng kha Esauni bwsarokni mungrok: Eliphas, bo khe Esauni bihik Adani bwsla, Reuel, bo khe Esauni bihik Basematni bwsla.

¹¹ Eliphasni bwsarok khe, Teman, Omar, Jepho, Gatam tei Kenaj.

¹² (Timna khe Eliphasni hik kotoi, bo khe Eliphasni bagwi Amalekno bá kha.) Omorok wng kha Esauni bihik Adani bwsarok.

¹³ Omorok wng kha, Reuelni bwsarok; Nahat, Jera, Samma tei Mijja. Omorok wng kha Esauni bihik Basematni bwsarok.

¹⁴ Omorok wng kha, Jibeonni bwsla Anani bwsajwk Esauni bihik Oholibamani bwsarok: Bo Esauni bagwi Jeus, Jalam tei Korano bá kha.

¹⁵ Omorok wng kha, Esauni bosongrokni bosong-okrarok. Esauni bwsla okra Eliphasni bosongrokni khe; Teman, Omar, Jepho, Kenaj,

¹⁶ Kora Gatam tei Amalek; omorok wng kha ha Idomni Eliphasni bosong-okrarok; bórok khe Adani bwsarok.

¹⁷ Omorok khe Esauni bwsla Reuelni bwsarok: bosong-okra Nahat, Jera, Sama tei Mijja. Omorok wng kha ha Idomni Reuelni bosong-okrarok; bórok khe Esauni bihik Basematni bwsarok.

¹⁸ Esauni bihik Oholibamani bwsarok: bórokni bosong okrarok wng kha; Jeus, Jalam tei Kora; Bórok wng kha Anani bwsajwk, Esauni bihik Oholibamani ogo achainai bosong okrarok.

¹⁹ Bórok bebakno Esauni (abo khe Idom) bwsarok tei bosong-okrarok.

Seirni bosongrok

²⁰ Omorok wng kha a ha-o tongnai Horisa Seirni bwsarok; Lotan, Sobal, Jibeon, Ana,

²¹ Dison, Ejer tei Disan; Omorokno wng kha ha Idomni Horisa Seirni bwsarokni bosong-okrarok.

²² Lotanni bwsarok khe Hori bai Heman; Lotanni bukhukni mung khe Timna.

²³ Sobalni bwsarok wng kha: Alban, Manahat, Ebal, Sepho tei Onam.

²⁴ Jibionni bwsarok wng kha: Aia tei Ana; O Ana’-no hapharo bupha Jibeonni korai chirkarokno mwrwgwi tong phuru twi kutung khe chersaui tongmano mannai.

²⁵ Anani bwsla khe Dison tei bwsajwk khe Oholibama.

²⁶ Omorok khe Disonni bwsarok: Hemdan, Esban, Ithran tei Cheran.

²⁷ Omorok khe Ejerni bwsarok: Bilhan, Jaban tei Akan.

²⁸ Disanni bwsarok khe: Uj tei Aran.

²⁹ Omorok wng kha Horisarokni bosong-okrarok: Bosong-okra Lotan, Sobal, Jibeon, Ana,

³⁰ Dison, Ejer tei Disan; bórok ha Seiro bórokni bosong thwgwini bosong okra wngnairok.

Ha Idomni habugrarok

³¹ Bórokno Israilrokni saka-o khoroksa phano bugra chá ya sini swkang ha Idomo bugra chánairok.

³² Beorni bwsla Bela ha Idomo bugra chá kha, bini kamiyungni mung khe Dinhaba.

³³ Bela thwi khe bini yakchu-o Bojra hani Jerani bwsla Jobab habugra chá kha.

³⁴ Jobab thwi kha, hakhe ha Temanni Husam habugra chá kha.

³⁵ Husam thwi kha, hakhe Moabo Midiansongno mechennai Bedadni bwsla Hadad habugra chá kha, bini kamiyung khe Abit.

³⁶ Hadad thwi kha, hakhe Masrekani Samla habugra chá kha.

³⁷ Salma thwi kha hakhe Rehobotni Saul Uphratisni habugra chá kha.

³⁸ Saul thwi kha hakhe, Akborni bwsla Balhanan habugra chá kha.

³⁹ Akborni bwsla Balhanan thwi khe Hadar habugra chá kha, bini kamiyungni mung khe Pau; bini bihikni mung khe Mehetabel, Matred bai Mejahabni bwsajwk.

⁴⁰ Omorok wng kha Esau bosongni bosong-okrarokni mungrok, bórokni núkhung, tongthairokno rwksaui bórokni mungrok: bosong-okra Timna, Alba, Jethet,

⁴¹ Oholibama, Ela, Pinon,

⁴² Kenaj Teman, Mibsar

⁴³ Magdiel tei Iram; omorok khe Idomni bokhorokrok (Esauno Idomni bupha), bórokni bosongrogo bórok bosong-okrarok.