YAPHANG 10 - Kok Borok (Re-edited) Bible (BSI)

Noani bwsarokni bosongrok

¹ Omorok wng kha Noani bwsarok Sem, Ham tei Japhetni bosongrok. Twi kotorni ulo se bórokni bwsarok achai-o.

² Japhetni bwsarok wng kha: Gomer, Magog, Madai, Jaban, Tubal, Mesek tei Tiras.

³ Gomerni bwsarok wng kha: Askenas, Riphat tei Togarma.

⁴ Jabanni bwsarok wng kha: Elisa, Tarsis, Kitim tei Dodanim.

⁵ Omorokni’-no twijlang rukungni tei twi kwcharni ha-o tongnairokni yaphangni bórok pírjago. Omorokni dopha juda-o tongma tei kubun harogo tongnairok Japhetni bosongrok. Bórok juda juda sak-sakni kók bai kók sa lai-o.

⁶ Omorok wng kha Hamni bwsarok: Kus, Ijip, Put tei Kanan.

⁷ Kusni bwsarok wng kha: Seba, Habila, Sabta, Rama tei Sabteka. Ramani bwsarok wng kha: Seba bai Dedan.

⁸ Kus khe Nimrodni bupha wng kha, bo’-no ha saka-o swkang phan gwnang kuk borok wngma klai-o.

⁹ Bo wng kha Subraiyungni thani belai’-no poluan kotor kuk; aboni bagwi’-no “Nimrod hai Subraiyungni thani poluan kotor kuk” hwnwi kók sajago.

¹⁰ Bini ha Babel, Erek tei Akadni simi chengwi Sinarni bebak harok.

¹¹ Bo aroni Asiriya-o tháng kha tei Ninobi, Rehobot-Ir, Kala tei.

¹² Ninobi bai Kalani kwchar Resenno tisa kha, abo wng kha kamiyung kotor.

¹³ Ijipni bosongrok wng kha: Ludim, Anamim, Lehabim, Naptuhim,

¹⁴ Path-rusim, Kasluhim, (o bosongni’-no Philistiasarok phai-o) tei Kapthorim.

¹⁵ Kananni bwsarok: Bwsa okra Sidon, bo’-no okra tei Het,

¹⁶ tei Jebussa, Amorsa, Girgassa,

¹⁷ Hibisa, Arkitsa, Sinitsa,

¹⁸ Arbadsa, Semarisa tei Hamathisa. Yagulo khe Kananni juda juda bosongrok yang yang koproi kha.

¹⁹ Kanansongni ha khe Sidonni simi chengwi Gerar babai Gaja jora tei Sodom, Gomora Adma, Jeboim jora tei Lasa jora khu-ui o.

²⁰ Omorok’-no bosongrok, juda juda hodarok tei juda juda ha mareui bórok Hamni bosongrok.

²¹ Japhetni takhuk okra Sem wng kha bebak Eberrokni bosongni yaphang.

²² Semni bwsarok khe: Elam, Asur, Arapaksad, Lud tei Aram.

²³ Aramni bwsarokni mung wng kha: Uj, Hul, Gether tei Mesek.

²⁴ Arpaksad wng kha Selani bupha; Sela khe Eberni bupha.

²⁵ Eberni bwsa chwla khoroknwi tongo: khoroksani mung khe Peleg, tamni hwn ba a jora’-ono o ha khakjago tei khoroksani mung khe Joktan.

²⁶ Joktanni bwsarok wng kha: Almodad, Selep, Hajarmabet, Jera,

²⁷ Hadoram, Ujal, Dikla,

²⁸ Obal, Abimael, Seba,

²⁹ Ophir, Habila tei Jobab; bórok bebak’-no Joktanni bwsarok máng.

³⁰ Bórok tongma ha salkabaini hathái kami Mesani simi Sephar jora.

³¹ Omorok wng kha Semni bwsarok, bórokni hoda mareui tei ha thwgwi’-no tongo tei sak sakni kók bai kók sa laiwi tongo.

³² O dopha thwgwi bosongni bwtang thwgwi’-no o borokrok bebak’-no Noani bosong máng. Twi kotor wngmani yagulo ha sakani bebak dopharok’-no Noani bwsarokni bosongni nongkhorma máng se.