NEHEMIA 11 - Kok Borok (Re-edited) Bible (BSI)

Jerusalemo tongnai bororok

¹ Hakhe bororokni tẃiphangrok Jerusalemo tong lai kha tei bororokbo haino khorok chi-o khoroksa Jerusalem kamiyung kwtharo tei khorok chuku khe kubun kamiyungo tongnani patkar lai kha.

² Tei bororok muchung tẃi Jerusalemo tongna nainairokno hambai rw lai kha.

³ Amchoini kolok-kotorrok Jerusalemo tong bai kha tei Judani kami kotorrogo khe, Israilrok, ochairok, Lebirok, noktharni selengrok, tei Solomonni selengrokni bosongrok sak sakni tongthai-o bórokni kami kotoro tong lai kha.

⁴ Baksa Judani bwsarok bai Benjaminsarok Jerusalemo tong lai kha: Juda bosongni wng kha: Athaia, Ujiani bwsajla, Sakariani khe busuk, Amariani bwsajla, Sephatiani bwsla, Mahalalelni bwsajlasong khe, Peresni bosongni.

⁵ Barukni bwsajla Maseia, Kolhoseni khe busuk tei bini bosong: Hajaia, Adaia, Joiarib, Sakaria tei Siloni bosong.

⁶ Peres bosongni Jerusalemo tongnai bebagwi khorok 468 phan gwnangrok.

⁷ Benjamin bosongni wng kha: Mesulamni bwsajla Salu, Joedni khe busuk tei bini bosong: Pedaia, Kolaia, Maseia, Ithiel tei Jesaia.

⁸ Gabai bai Salai wng kha Saluni sandairok bórok bebagwi khorok 928.

⁹ Jikhrini bwsajla Joel wng kha bórokni bokhorok, Hasenuani bwsla Juda khe kamiyungni tei khoroksa tẃiphang.

¹⁰ Ochairok: Joiaribni bwsla Jedaia, Jakhin.

¹¹ Seraia wng kha Hilkiani bwsajla Mesulamni khe busuk. Tei bini bosongo Sadok, Meraiot tei Ahitub Kaitorni noktharni ochai bokhorok.

¹² Tei bosongni noktharo samung khlainai borok bebagwi khorok 822. Adaia wng kha Jerohamni bwsla tei Pelaliani khe busuk, bini bosongo Amji, Sakaria, Pasur, Malkija.

¹³ Bini takhuksong núkhungni tẃiphangrok bebagwi khorok 242 ká-o. Ajarelni bwsla khe Amasai tei Ajaini khe busuk bini bosong Mesilemot bai Imer.

¹⁴ Tei bo bai kwrwngjak bororok wng kha khorok 128 phan gwnang sengkrakrok. Bórokni bokhorok wng kha Hagedolimni bwsajla Jabdiel.

¹⁵ Lebirok: Hasubni bwsajla khe Semaia. Ajrikamni khe busuk tei bini bosongo Hasabia bai Buni.

¹⁶ Sabethai bai Jojabad khoroknwi wng kha Lebirokni tẃiphangrok noktharni phataro samung tangnani barja chongjak.

¹⁷ Mikani bwsajla khe Matania, Jabdini khe busuk, bo khe Asap bosongni. Bo noktharo suriui hambai rwnani rwchapmungno tẃithero. Bakbukia wng kha Mataniano chubanai. Abda, Samuani bwsajla, Galalni khe busuk, Jeduthun bosongni khoroksa.

¹⁸ Lebirok bebagwi khorok 284 Jerusalem kamiyung kwtharo tong bai-o.

¹⁹ Duglam mwrwknairok: Akub, Talmon tei bórokni sandai masakrok bebagwi khorok 172 ká-o.

²⁰ Tei Israilrok, Ochairok, Lebirok khe sak sakni ha-o Judaini kubun kamiyungo tong bai kha.

²¹ Noktharni selengrok khe Ophelo tong bai-o tei Jiha bai Gispa khe bórokno naikini khlai-o.

²² Jerusalem o tongwi Lebirokno naikini khlainai wng kha Uji, Banini bwsajla, Hasabiani busuk tei bini bosong Matania, Mikabo Asap bosongni borok Kaitorni Noktharo rwchapnani barja chongjak.

²³ Rwchapnairokno habugra bai chongwi rwjakmani sal brúmni samung kaisa tongo.

²⁴ Judani bwsa, Jera bosongni Mesesabelni bwsajla Pethahia Israil bororokni bwkhak wngwi habugrano bebak ma sa-o.

Kubun kami bai kamiyungo bororok tongmani

²⁵ Tamni bororok khe bórokni hapharo tong bai-o tei Judani baksa bororok khe kamiyung ganani Kiriat Arba, Dibon tei Jekabjil kamirogo tong bai-o.

²⁶ Bórok teibo Jesua, Molada, Betpelet kamiyungo tong bai-o.

²⁷ Hajarsual, Birseba tei aboni kamirogo,

²⁸ Jiklag, Mekona tei aboni kamirogo.

²⁹ Enrimon, Jora, Jarmut.

³⁰ Janoa, Adulam tei aboni kamiyungrogo, Lakhis tei aboni panthoro, Ajeka tei aboni kamirogo tong bai-o. Hakhe bórok Birsebani simi Hinom harungrogo tong lai-o.

³¹ Benjaminni bororok khe Geba, Mikmas, Aija, Bethel tei aboni kamirogo.

³² Anathot, Nob, Anania.

³³ Hajor, Rama, Gitaim.

³⁴ Hadid, Jeboim, Nebalat.

³⁵ Lod tei Ono manwi taknairokni harungo tong bai-o.

³⁶ Juda-o tongnai Lebini baksa bodol Benjaminni bororok bai tong lai kha.