LOBMUNG 99 - Kok Borok (Re-edited) Bible (BSI)Kaitor se Bugra Kotor 1 Subraiyung se bugra; bororok kwlwibra thung! Bo cherubni kwcharo achukjak; o ha ninang thung! 2 Subraiyung Siyono kotor; bo bebak bororokni slái kuchugo. 3 Bórok nini kotorma tei kirimasingcha mungno lob thung. Bo wng kha kwthar! 4 Phan gwnang Bugra, bujsói hamjaknaisa, nwng baksa khe bujsói khlaimano songcha kha; nwng’-no Jakobni thani bujsói tei kaham khlai kha. 5 Subraiyung Kaitorno kuchuk lobsa di; bini yakungo khulum di. Bo wng kha kwthar! 6 Ochairokni bisingo Musi bai Aron phiya bono ringnairokni bere Samuelbo khoroksa. Bórok Subraiyungno ring kha hakhe bo bórokni ringmano khna kha. 7 Chumuini thongla-o tongwi bo bórokno kók sa kha; bórok bini kókrok narwk kha tei bini dagimarokbo tẃi kha. 8 O Subraiyung chini Kaitor, nwng bórok bai kók sa kha, nwng bórokni bagwi nakarnai Kaitor wng kha, hai phano nwng bórokni samung cha yani yagul su kha. 9 Chini Kaitor Subraiyungno lobsa di tei bini hathái kwtharo khulum di; tamni hwn ba chini Subraiyung Kaitor wng kha kwthar. |
Kok Borok Bible (Re-edited), Baibel Kwthar
Copyright © 2017 by The Bible Society of India
Used by permission. All rights reserved worldwide.
Bible Society of India