LOBMUNG 93 - Kok Borok (Re-edited) Bible (BSI)

Kaitor se bugra

¹ Subraiyung se bugra, bo chẃngsacha kanjak; Subraiyung kanjak, phan bai bwchang khajak. Bo swngcharno songcha kha; abo ninang phlai ya;

² yaphangni simi’-no nini achukthayung songchajak; mol brúmni simi’-no tongo.

³ O Subraiyung twi kotor torsa kha, twi kotorrok bórokni khorang tisa lai kha; twi kotorrok sokrom sa kha.

⁴ Subraiyung twi kwbángma kutuk saui gurummani sláibo phan gwnang, twijlangni twi aphalni sláibo teibo kotor tei kuchuk!

⁵ Nini kók sa khlaimani katswi sói; kwthar nini nokno mol brúm naithok rw-o.