LOBMUNG 87 - Kok Borok (Re-edited) Bible (BSI)

¹ Hathái kwthar saka-o bo songchamani kamiyung bachajak;

² Subraiyung Jakobni tongthaini slái Siyonni duglam kotorrokno hamjak kugo.

³ O Kaitorni kamiyung, nini bagwi chẃngsachani kókrok sajak kha. Sela

⁴ Ano sininairokno ang Rahab bai Babilonni kók saui khna rw-o; Philistia bo, Tur, Ithiopia bai baksa “O borok arono achai kha,” hwnwi bórok sa-o.

⁵ Siyon khe ahai hwnwi sajak anw, “O borok bai a borok a bisingo achai kha;” tamni hwn ba kwplaisa bo baithangno bono songchanai.

⁶ Subraiyung bororokno mung swima tẃi’-no ahai hwnwi lekha anw, “O borok aro achaimani.” Sela

⁷ Rwchapnairok bai mwsanairokbo sa lainai, “Ani bebak ani twimukrok le nini bisingono.”