LOBMUNG 82 - Kok Borok (Re-edited) Bible (BSI)

¹ Kaitorni bini kuthumma-o bachajak; phankrakrokni bisingo bo buj thumo:

² “Nwng tei bwswk cha ya khe buj thum sinai tei tei bwswk borok hamyarokni kaham nai sinai? Sela

³ Kebel tei ma-pha kwrwirokno buj sói khlai di; sátokjak tei kusupjakrokni manthaino rw di.

⁴ Kebel tei bigrarokno phiyók ja di; bórokno borok hamyarokni yakni phiyók ja di.”

⁵ Bórok sibo si ya sauibo man ya, bórok mwnago him lai-o; hani bebak yaphang ninangwi tong kha.

⁶ Ang hai hwnwi sa kha, “Norok khe Kaitor, kuchuk kukni bwsarok se;

⁷ hai phano norok thwiblang bororok hai khe thwi anw tei tẃiphang hai khe klai anw.”

⁸ O Kaitor bacha di, o hani buj thum di; tamni hwn ba bebak dopha le nini se ba! Asapni rwchapmung