LOBMUNG 8 - Kok Borok (Re-edited) Bible (BSI)

¹ O Subraiyung, chini Subraiyung nini mung o swngcharo bwswk se chẃngsacha! nokharokni slái kuchugo nini chẃngsachano songcha kha.

² Nwng chwrai bwsa tei absa kwlwini khukni arirokni bagwi phan tikhlai kha, kebengnai ari tei yagul suna rutuknairokni bagwi.

³ Nini yasi bai snamjak nokharokno naisaui nai khe, sal, tal tei athukirirokno bórokni tongthai-o tonmano naiwi nai khe;

⁴ bororok le tamo ba bono nwng aswk ma uansuk, bórokno tamni bagwi naikini ma khlai?

⁵ Suarirokni slái nwng bórokno kisa se kotoi khlai-o, chẃngsacha bai bóromni motokno nwng bono thup rw kha.

⁶ Nini snamjakrokno bórokni yago yaphar kha; bebakno’-no bórokni yakung yaphango ton kha,

⁷ bebak musuk mera tei bolongni manwirokno,

⁸ nokhani toksa-toktẃirokno, twijlangni árokno, twijlango tongnai bebakno’-no.

⁹ O Subraiyung, chini Subraiyung swngcharo nini mung bwswk se chẃngsacha? “Bwsa thwima” ragini bai rwchapmung tẃithernaini bagwi