LOBMUNG 76 - Kok Borok (Re-edited) Bible (BSI)

¹ Judarokni bisingo Kaitor sinijago, Israilrokni bisingo bini mung kotor.

² Jerusalemo bini tongthai snamjak kha, Siyono bo tongo.

³ Bo aro chakhlarok, phuirok, sengrok tei chobani aitalrokno swbai kha. Sela

⁴ Mol brúmni hatháirokni sláibo nwng chẃngsacha tei kotor.

⁵ Kirima kwrwi kuk sengkrakrok swpragwi sekprojak bai kha; bórok muktrwi tháng bai kha; sengkrak bodolni khoroksa phano yak tisa rak li ya.

⁶ O Jakobni Kaitor nwng damrokma bai korai bai korai kasanairok mwlang chaui muktrwi lái bai kha.

⁷ Au, tamo khe nwng le kirimasingcha! Nwng uáisa joli khe nini bwskango sabo bachaui mannai?

⁸ Nwng chuknohani bujni kók khna rw kha; hakhe o ha kirijak kha tei siringcha wng kha

⁹ Kaitor buj thumna bacha phuru tei hani bebak kusupjakrok bororokno mwthangna bagwi bachasa phuru ahai wngnai. Sela

¹⁰ Kubui’-no bororokni jolima le nono se lobsa rw-o, tamni hwn ba nwng abono buj thumjaknai seng hai se khlai-o.

¹¹ Nini Subraiyung Kaitorni thani chak di, tei abórokno rw di; bini yang ayang tongnai bebakno a kirimasingchani thani hili tubu di,

¹² bo se tẃiphangrokni bwkhano swbai-o, tei ha sakani bugrarokno kiri rw-o. Rwchapmung tẃithernai Jeduthunni bagwi Asapni rwchapmung