LOBMUNG 61 - Kok Borok (Re-edited) Bible (BSI)

¹ O Kaitor, ani kapma khna ja di; ani surimano khunju kai ja di.

² Ani bwkha lengpro phuru khe ang ha páithago tongtw tẃi ang nono ringnai, ano holongthaini slái kuchugo tlang di;

³ tamni hwn ba nwng se ani khorok bomthai, kebengnai arirokni yakni mwthangnai nok kwrak.

⁴ Ano nini ríni nogo mol brúm brúm ton rw di, nini kangkhung tola-o khe ano kati rwui ton di. Sela

⁵ Tamoni hwn ba o Kaitor, nwng ani chakmarokno khna kha; bórokni manthaino rwna hwnwi tongmano nwng ano rw kha.

⁶ Nwng habugrani umorno lok rw di; kusung kusung bini piri tongnai!

⁷ Bo Kaitor bai mol brúm brúm achugwi tong thung; bono kaham khe narwgwi tonna bagwi khairokma bai kubuino nwng samungo thepa di.

⁸ Hakhe ang nono mol brúm brúm nini mungno lobwi rwchapnai, sal brúm brúm ang ani chagwi rwmano rwnai. Rwchapmung tẃithernaisa Jeduthunni bagwi Daudni rwchapmung