LOBMUNG 6 - Kok Borok (Re-edited) Bible (BSI)

¹ O Subraiyung nwng ano joliui ta swrai ja di, nini jolima bai khe ano sói khe tẃi di.

² O Subraiyung ang kebel ja, ano khairok ja di, O Subraiyung, ano khairokja di, tamni hwn ba ang lengwi bel kha;

³ Ani bwkhabo kirima chaui bel laha, O Subraiyung, nwng tei bwswk nangno kho?

⁴ O Subraiyung, uphilwi ani langmano mwthang ja di; nini khairokmani jarwi ano mwthang ja di.

⁵ Tamoni hwn ba thwi khe nono ringwi man ya; ha bisingo nono sabo hambai rwnai?

⁶ Swlwkma bai ang belai leng kha; hor horo ani kobong muktwi bai siui kochogo; muktwi bai ani thuyam si-o.

⁷ Bwkha hilikma bai ani mokol nukmabo mirimiri se wng si-o; ano kebengnai arirokni bagwi se abo hai wng si-o.

⁸ O samung hamya tangnairok ani oroni tháng bai di, tamni hwn ba Subraiyung ani kapmani khna kha.

⁹ Subraiyung ang samano khna kha; Subraiyung ani surimano khnanai.

¹⁰ Ani arirok ma lachinai tei swpragwi sikirijaknai; srapsa kheno bórok lachimasingcha-o khiklaijaknai. Benjamin bosongni Kusno tẃiwi Subraiyungni thani Daudni rwchapmung