LOBMUNG 54 - Kok Borok (Re-edited) Bible (BSI)

¹ O Kaitor, nini mung bai ano mwthang ja di, nini phan bai ani buj khlaiwi pái rw ja di.

² O Kaitor ani surima khna ja di, ani kókrokno khunju kai ja di.

³ Tamoni hwn ba sini ya bororok ano kebengwi bacha lai kha, khairokma kwrwi bororok ano butharna lama naituk lai-o; bórok Kaitorno sak nangjak ya. Sela

⁴ Tamo khe Kaitor se ano chubanaisa; Subraiyung se ani langmano kwthang tono.

⁵ Bo ano kebengnai arirokno bórokni samung hamyarokni bagwi yagul sunai. Nwng kók narwkma tẃi khe bórokno pái khibi di.

⁶ Ang nini thani haino muchungwi ratharmung yapharnai; O Subraiyung, ang nini mungno hambai rwnai, tamni hwn ba abo wng kha kaham.

⁷ Tamoni hwn ba bo ano digi-sigini yakni phiyók kha, tei ani arirok chenmano nwng ano phunuk kha. Buduk gwnang tamjaknai bai Daudni rwchapmung