LOBMUNG 52 - Kok Borok (Re-edited) Bible (BSI)

¹ O phan gwnang borok, borok kahamno kebengwi samung hamya khlaiwi nwng tamoni kung chuk? Sapung nwng

² sokomormung tubuna bagwi bwkha chabo. Nini bwslai khe kubuk uámtha hai, nwng wng kha tatal sa krak.

³ Nwng hamyano kahamni slái hamjak kugo, kók kubui sanani slái tatal sana hamjak kugo. Sela

⁴ Nwng dera rwjaknai kókrokno khe hamjago, nwng kók tatal sa-o.

⁵ Tamo khe Kaitor nono mol brúmni bagwi báikhrup rwnai; bo nono nini tongthaini soklaiwi sopreui karinai; bo nono kwthangrokni hani phuichaui khibinai. Sela

⁶ Borok kahamrok abono nugwi kirinai tei borok hamyarokno naisigwi mwnwinai tei hai hwnwi sanai,

⁷ “Nai di, Kaitorni tongthai na ya borokno, tamo khe rang-rírogo bwkha beranai tei rang-rí-o tongthai nanaisano!”

⁸ Tamo khe ang khe Kaitorni nogo kwkhrang tháistwi buphang hai. Ang mol brúm Kaitorni pái phlai ya hamjakma-o bwkha bera-o.

⁹ Nwng khlaima samungrokni bagwi ang nono mol brúmno hambai rwnai. Ang kók narwknairokni bwskango nini mungno sakhlainai tamni hwn ba abo wng kha kaham. Rwchapmung tẃithernaisani bagwi Daudni rwchapmung