LOBMUNG 47 - Kok Borok (Re-edited) Bible (BSI)

¹ O bebak bororok yapha khorop lai di; Kaitorni thani khorang kotor khe tongthokma rwchapmungrok rwchap di.

² Tamoni hwn ba Subraiyung se kotor kuk tei bo wng kha kirimasingcha, bo se swngchar gwnangwini bugra kotor.

³ Bo hani dopharokno mechen rwui chini yapha-o rw kha tei bórokno chini yakung yaphango khiklai kha.

⁴ Bo chini bagwi manthai chongwi tono, abo bo hamjakmani borok Jakobni kung chukmung. Sela

⁵ Khorang kotor khlaiwi Kaitor kuchugo kasa kha, Subraiyung totroni khorang bai khe kuchugo kasa kha.

⁶ Kaitorno lobwi rwchap di, lobwi rwchap di; chini Bugrano lobwi rwchap di, lobwi rwchap di.

⁷ Tamoni hwn ba Kaitor wng kha ha gwnangwini bugra; bono lobmung bai khe lobwi rwchap di.

⁸ Kaitor se dopharokni bubagra wngwi tongo; Kaitor bini achukthayung kwtharo achukjak.

⁹ Lukurokni naikolphang bokhorokrok Abrahamni Kaitorni bororok kuthum lai tẃi khe kuthum lai kha. Tamoni hwn ba swngcharni phuirokni bubagra khe Kaitor se; bo bebakni slái kuchuk. Kurani bwsarokni lobmung rwchapmung