LOBMUNG 45 - Kok Borok (Re-edited) Bible (BSI)

¹ Ani bwkha uansukmung kaham bai pungsajak; bugrano ang ani kóktangrokno sa anw; ani bwslai kodo khe swinaini swikong hai.

² Nwng bororokni bisingo naithok kuk; nini khukni khairokma yoro; aboni bagwi Kaitor nono mol brúmni bagwi hamari rw kha.

³ O phankraksa, nini sengno bwchango kha di, nini chẃngsacha tei phan gwnang.

⁴ Kwplai wngwi nwng malkhungo khe kasaui phai-o buj sóini bagwi nwng kubuino mwthangwi tono; nini yagra yak nini kirimasingcha samung khlaimarokno phrwng thung.

⁵ Habugrano kebengnai arirokni thani nini chakhlarok kwpláma wngsa kha; lukurok nini yakungo klai-o.

⁶ O Kaitor nini achukthai mol brúmno tongo. Nini dagijaknai raidang le bujsói khlainai raidang se;

⁷ nwng borok kahamno hamjago phiya hamyano khe selengjago. Aboni bagwi Kaitor nini Kaitor nono nini tei palrokni slái nono tongthokni thok bai chong kha;

⁸ nini bebak kanmung chummung mur belengtwi, aloi tei darchini báhai. Mayung buani noyungrogo buduk gwnang tammungrokni khorangrok bwkha srang rw-o;

⁹ nini hik kotoirokni bisingo habugrarokni bwsajwkrok; nini yagra bwkhak Isiri Ophirni rangchak kanwi bachajak.

¹⁰ Sajwkrok, khna di, nai di, khunju kai di; nini sakni bororokno pok di tei nwphani noknobo pok di,

¹¹ habugra nini naithokmano bwkha phurjaknai. Tamoni hwn ba bo se nini bugra, nwng bono khulum di;

¹² Turni bororok hili yapharwi nwng bai mokol kaijakna muchungwi phainai, gwnangrok suda nini thani

¹³ podrepot rangchak-ríchak tubu-ui phai anw. Ha bugrani bwsajwksong rangchak khopjak rírok chumjak khlaiwi bórokni khotolo naisingwi tongo;

¹⁴ metreng-matrang rí naithok chumjak khe bo habugrani aro tlangjaknai; bini utung utung khe bini áyajwkrok rwkthar laijak.

¹⁵ Bórok khápang srangwi tongthokma bai bwtang khlaiwi him rwui habugrani noyungo habo.

¹⁶ Nwphasongni sak slái-o nini bwsarok habugra wngnai; nwng bórokno ha gwnangwini naikolphang khlainai.

¹⁷ Ang nini mungno bosong kusung kusung muitu khlai rw anw; aboni bagwi bororok mol brúm brúm nono lobnai. Rwchapmung tẃithernaini bagwi Kurani bwsarokni rwchapmung, khorang kuchuk khe rwchapjaknai