LOBMUNG 3 - Kok Borok (Re-edited) Bible (BSI)

¹ O Subraiyung ani kebengnai arirok bwswk se báng! kwbángma ano kebengwi bacha lai-o;

² Kwbángmano ano hai hwnwi sa lai-o, “Kaitorni aro nini chubajakmung tong glak.” Sela

³ Tamo khe nwng se ano kitingjak phui, o Subraiyung, ani mwkhang chẃng rwnai, ani khorokno tisanai.

⁴ Kabwi ang Subraiyungno ringo, tei bo bini hathái kwtharo tongwi ani ringmano yachago. Sela

⁵ Ang roko-o tei muktrwi thángo; tei uáisa ang sicha-o, Subraiyung se ano mwthangwi tonma ba.

⁶ Ano gerebwi kebengsaui bachanai khorok chisai bororokno phano ang kiri ya.

⁷ Bacha di, o Subraiyung! ano mwthang di o ani Kaitor! Tamoni hwn ba nwng se ani arirokno khangaro swpraknai; nwng se borok hamyarokni bua swbai-o.

⁸ Mwthangnaisa le Subraiyung se; nini hamari nini bororokni thani tong thung! Sela Rwchapmung tẃithernai bokhorokni bagwi buduk bai tamjaknai bai khe Daudni rwchapmung